بفتخر أني من منطقة شعبية ومسلسل ضرب نار أرهقني.. أبرز تصريحات أحمد العوضي

حل اليوم الفنان أحمد العوضي ضيفًا على برنامج حبر سري في الجزء الثاني من اللقاء الذي عرض مساء أمس الخميس، للإعلامية أسما إبراهيم المذاع عبر شاشة القاهرة والناس، كاشفًأ تفاصيل كثيرة عن حياتها الشخصية، وتعليقه على كثرة الشائعات حول انفضاله عن ياسمين عبدالعزيز، وغيرها العديد من التفاصيل.

تحيا مصر

أحمد العوضي: أفتخر أن جمهوري شعبي والأعمال الشعبية تشبهي 

أكد أحمد العوضي عن عدم تضايقه أن أغلب جمهوره من الفئة الشعبية، حيث علق عى هذا قائلًا: "أفتخر أن جمهوري شعبي والأعمال الشعبية تشبهي، وبفتخر أني من منطقة شعبية وهي أبرك من المنطقة اللي عايش فيها دلوقتي وفكرت أرجع أعيش في عين شمس تاني لأن قلبي هناك بس مينفعش".

وتابع أحمد العوضي قائلًا: أحمد العوضي: "أصحابي من زمان لسه أصحابي لحد النهاردة ومتربيبن في بيتي وبتكلم معهم على طبيعتي، وأنا بنتمي ليهم وقلبي وروحي معهم لكن المجتمع ده مش حقيقي وبيقيم الشخص على اللي في جيبه".

وعن طفولته، قال أحمد العوضي: "طفولتي كانت عادية بين القاسية والسعيدة وضايقني عدم وجود الأم ولكن أبويا عوضني، وأي موقف بيحصل بروح لأبويا عشان أطمن لأن هو السند وفي ناس مش بتحس بده ولكن لازم ندرك ده قبل ما نفقده، وجبت بيت لأخويا بأولب مرتب كبير ليا لأنه وقف جنبي وده رد الجميل مش بتفضل عليه".

أحمد العوضي: مشاهدي مع سهير المرشدي عوضتني عن غياب الأم

وعن تأثير غياب الأم في حياته، علق أحمد العوضي قائلًا: "اتربيت مع أبويا و3 أخوات أثر على تربيتي وخلاني ناشف شويه، ولكن مفتقد أمي وبعمل مشاهد سهير المرشدي بعوض بها غياب أمي، وقلبي جامد على اللي يخصني ولكن عيني تدمع لو حد بيعيط بس مش بعيط على حالي".

ومن جانبه، قال أحمد العوضي: "شخص قريب مني أوي واستكتر عليا النعمة وبعدت عنه، وأكتر موقف بكيت فيه هو وفاة صاحبي محمد وملحقتش أودعه" وأشار إلى انتمائه للبيئة التي نشأ بها، قائلًا: "مودعتش حياتي القديمة بعد الشهرة، نفسي أجيب لحمة من عند الجزار في السوق بس مش بعرف بسبب شهرتي، والسوق بالنسبة لي خروجة". 

واسترسل أحمد العوضي قائلًا: "أنا تربية نور الشريف ولو في إيدي أساعد حد هعمل كده، ومحدش كارهني وأي شغلانة في الدنيا فيها منافسين ومعنديش صراعات مع حد محدش بيسحب البساط من تحت رجل حد".

وعن مسلسله ضرب نار، قال أحمد العوضي: "دور الصعيدي في ضرب نار أرهقني، لما تمت مقارنتي بأحمد زكي في المسلسل ده شرف ليا، والكلام الإسبايسي في أعمالي أنا اللي كاتبه أحلى على الأحلى ووحش الكون وعلى الله حياتك ده كلامي لأن دي بيتي ولساني واخد على كده، وأنا بعمل شخصية موجودة أتعملت مليون مرة بس بعملها بطريقتي ونكهة العوضي والمقارنة ماتفرقش معايا".

أحمد العوضي في حبر سري 

وعن شائعة انفصاله عن ياسمين عبدالعزيز، علق قائلًا: "ناس عايزة ريتش ومش بشغل بالي وارتباطي بـ ياسمين مضرنيش ومحدش يقدر يضرني، وياسمين معها العوضي نفسه واللي يهمني هي وبس" وعن الأغنية التي قدمها لها قال: "كلمت عمر كمال يعمل أغنية بطريقتي مفاجأة لها بعد شفائها بعبر عن مشاعري بالفعل، مش هشتغل مع حد له خلاف مع مراتي مش هبدي حد على بيتي،  أبو شنب بحبه أوي لياسمين".

وعن أزمة فيلم هروب اضطراري علق أحمد العوضي قائلًا: "اشتغلت في فيلم هروب اضطراري مع محمد السبكي كنت بصور مشهد أكشن وكسرت العربية وأجري ميجيش فردة الكاوتش ومخدتش الأجر منه وهتعاون معه تاني عادي، أجري كان 10 آلاف جنيه، وشخصية سيف الخديوي أقرب شخصية لقلبي".

واختتم أحمد العوضي اللقاء قائلًا: "لو أنا منتج أختار كريم عبدالعزيز أنتج له فيلم، لأنه نجم كبير وأعلى إيرادات في السينما، تيتو فيلم جبار والجزيرة1 وكيرة والجن والفيل الأزرق 1 ولاد رزق دول أفلام تستحق الأوسكار، أحمد فهمي أكتر واحد بيضحكني".