أيتن عامر: لو بطلت شغلي هتحبس ومن حقي افرح بيه ومش ناسية الفضية

خرجت الفنانة أيتن عامر للرد على الهجوم  التي تعرضت له منذ قليل بعد نشر صور على حسابها الرسمي بموقع تبادل الصور والفيديوهات انستجرام مروجة لفيلمها الجديد بولومندو والذي يعرض في السينمات المصرية بالوقت الحالي.

تحيا مصر 

أيتن عامر: مش معنى أننا بنعمل دعاية لشغلنا أننا ناسين القضية

وقالت أيتن عامر في فيديو عبر حسابه الرسمي بموقع تبادل الصور  والفيديوهات انستجرام: مش معنى أننا بنعمل دعاية لشغلنا أننا كدة ناسين القضية الأساسية اللي كلنا بنتكلم عنها، وانا بقالي شهر ونص بتكلم وعن الكوارث اللي بتحصل هناك  والاكونت بتاعي كان هيتقفل بسبب الحاجات اللي بنشيرها طول الوقت.

وتابعت حديثها، قائلة: زي ماحنا مؤمنين بالقضية بيصعب عليا أوي لما أشوف حد مننا بيعلن عن شعله والناس بتهاجمه وتقوله انت مش حاسس بالناس وانت معندكش دم والكلام ده كلنا متأثرين بس ردود أفعالكم غريبة شوية ده شغلنا ودي طبيعته والاعلان عن شغلنا جزء من عقودنا فليه تهاجمونا أننا بنعلن عن شغلنا وبنمارسه.

أيتن عامر: الكلام عن القضية الفلسطينية حرية شخصية ومينفعش نوقف شغلنا 

واستكملت: انا مش شايفة أن ده سبب منطقي ابدا احنا ممكن تهاجم حد مبيدعمش القضية خالص ومبيتكلمش عنها.. مينفعش أقول لحد ما تروحش شغلك ومتعلمش وجباتك ومتلتزمش بعقودك بس أقدر اقوله انت ليه متلكمش واعتقد الكلام عن القضية دي حرية شخصية اللي عايز يتكلم يتكلم واللي مش عايز ميتكملش ومش معنى أننا بنعلن عن شغلنا أننا بنشغل الرأي العام عنها.

ترقبا لعرضه قريبًا.. طرح البوستر التشويقى لفيلم درويلة لـ أيتن عامر

احترمي حزن الناس.. متابعة تهاجم أيتن عامر بسبب الترويج لأعمالها: اتغيرتي بعد الطلاق

أيتن عامر: مش حابين إن شغلنا يتأثر لأن محدش بينفع حد 

واختتمت أيتن عامر حديثها، قائلة ليه واخدين موقف كدة من الفنانين ارجوكم استوعبوا أن الإعلان عن شغلنا على صفحتنا دي حاجة احنا ملزمين بيها واحنا حابين أن شغلنا يكمل ومش حابين أن شغلنا يتأثر لأن في الاخر محدش هينفع حد ومفيش حد بيحس بحد فمن فضلكم كفايا هجوم ومحدش يزايد على حد محدش عارف احنا كل يوم بنمر بإيه واحساسنا بيبقى اي تجاه اللي حاصل احنا قلبنا موجوع وبندعلهم وبندعمهم بكل اللي في أيدينا، ولو بطلت شغلي الناس هترفع عليا قواضي وهتحبس ومن حقي افرح بشغلي وازعل عن القضية.