أسما شريف منير بعد أحداث غزة: مش عارفة أشتغل ولا أنزل فيديوهات وحاسة بخجل

دعت صانعة المحتوى أسما شريف منير جمهورها ومتابعيها وزملائها من صناع المحتوى الآخرين بالمشاركة في دعم غزة من خلال تقديم منتجات مصرية بالطريقة التي تتناسب مع طبيعة عملهم محتواهم الخاص، مشيرة إلى أنها قامت بصناعة "هودي" من منتجات محلية وتخصيص جزء من أرباحها إلى فلسطين.

تحيا مصر 

أسما شريف منير: كنت حاسة اني نفسي اساعد فلسطين بأي شكل 

وكتبت أسما شريف منير عبر حسابها الرسمي بموقع تبادل الصور والفيديوهات انستجرام: قررنا نعمل "هوديز" لدعم فلسطين و جزء من الأرباح هنتبرع بيه لأهلنا في غزة… أنا بجد من يوم ما بدأت الاحداث و أنا مش عارفه اشتغل و لا عارفه انزل الڤيديوز العادية بتاعتي، حسه بخجل غير عادي، و أنا مصدر رزقي الأساسي هو صناعة المحتوى و الدعاية ل الشركات، مكنتش عارفه اعمل اي حاجة، و حسه اني نفسي أساعد بأي شكل و مع تغير و تصاعد الاحداث قررنا نقاطع، و من ضمن المقاطعة في استخدام المنتجات كمان قطعت الشغل معاهم.

أسما شريف منير: ياريت كل صناع المحتوى يقدموا منتج مصري بطريقتهم 

وتابعت حديثها قائلة: فجالي فكرة ال hoodies دي حسيت انها فكرة متكاملة الأركان، لاني مش حسه بتأنيب الضمير و أنا بعمل دعايا ليها و في نفس الوقت بشتغل عشان أنا زي اي حد محتاجة شغلي و عندي التزامات، بس حسيت اني كده بشجع منتج محلي و بدعم القاضية، بدعمي ليها ده اني بتبرع بجزء من الأرباح و بينشر رساله توعيه عن الاحداث و بخلي اسمها باقي.. و أنا بدعو كل صناع المحتوى انهم يقدموا منتج مصري محلي بطريقتهم لدعم فلسطين و كلنا نشجع بعض عشان نعدي المحنه دي مع بعض.

أسما شريف منير: 7 أكتوبر غير العالم كله 

وكانت قد كشفت أسما شريف منير عن التغيرات التي حدثت عليها منذ أحداث 7 أكتوبر، حيث قالت: 7 أكتوبر غير العالم كله، وبقيت حاسة أني بقدر كل نعمة اعتادتها، كل واحد فينا بقى عليه مسئولية رغم إحساس العجز، حسيت أني لازم أكون منتمية لبلدي وأحبها وأقدرها وعمري في حياتي ما اتكلم عنها وحش رغم الحاجات اللي ممكن تكون بتضايقني، علموني حاجات كتير أوي، وفلسطين علمتنا حاجات كتيرة أوي، إيمانهم ملهم، أول مرة أشوف درجة إيمان بالقوة دي، قربت من ربنا بسبب اللي بيحصل دا.

أسما شريف منير: 7 أكتوبر غير العالم كله.. والشعب الفلسطيني إيمانه ملهم

أسما شريف منير تشيد بطليقها: راجل محترم وأب حقيقي ومتحضر

كما سبق وكشفت أسما شريف منير أيضا عن التزامها في الصلاة وبعدها عن السهرات الليلة بعد الأزمات التي مرت بها فلسطين، وحرصها الدائم على التقرب من الله.