أسما شريف منير: 7 أكتوبر غير العالم كله.. والشعب الفلسطيني إيمانه ملهم

أكدت المذيعة والبلوجر أسما شريف منير على أن العالم تغير مساره بعد يوم 7 أكتوبر، مشيرة إلى أن الشعب الفلسطيني إيمانه ملهم.

تحيا مصر

أسما شريف منير: 7 أكتوبر غير العالم كله

وقالت أسما شريف منير في مقطع فيديو عبر حسابها الشخصي على موقع تبادل الصور والفيديوهات إنستجرام: الحياة مبقتش هي بعد 7 أكتوبر، كل حاجة اتغيرت، وكل الناس اتغيرت، مفيش حاجة زي ما هي، كل الحاجات بقيت أشوفها بشكل مختلف وبحسها بشكل مختلف، 7 أكتوبر غير العالم كله، وبقيت حاسة أني بقدر كل نعمة اعتادتها، كل واحد فينا بقى عليه مسئولية رغم إحساس العجز.

وتابعت: حسيت أني لازم أكون منتمية لبلدي وأحبها وأقدرها وعمري في حياتي ما اتكلم عنها وحش رغم الحاجات اللي ممكن تكون بتضايقني، علموني حاجات كتير أوي، وفلسطين علمتنا حاجات كتيرة أوي، إيمانهم ملهم، أول مرة أشوف درجة إيمان بالقوة دي، قربت من ربنا بسبب اللي بيحصل دا.

أسما شريف منير تشيد بطليقها

وسبق وأن أشادت أسما شريف منير بطليقها وحرصت على توجيه رسالة لابنتها عن احترام ورجولة والدها وشدة حبه لها، وذلك بعد وجودهم سويا معا لتشجيع ابنتهم في إحدى مبارايات كرة القدم للفتيات.

ونشرت أسما شريف منير عبر حسابها الرسمي بموقع تبادل الصور والفيديوهات انستجرام مجموعة صور لها رفقة ابنتها وطليقها، وعلقت عليها، قائلة: الأب المحترم، السند و الضهر… دي ذكريات بحوشهالك عشان تعرفي قد ايه بابكي راجل و أب حقيقي بمعني الكلمه، واقف مهتم بكل خطوه كأنه كاس العالم، لازم أديك حقك عشان الناس تتعلم منك يعني ايه انفصال محترم و تحضر و وجود في حياة ولادنا.. ربنا يبارك في عمرك و يخلينا ليها دايماً.. لعبتي حلو اوي انهارده حقيقي فاخورة بيكي، ربنا يحفظك يا نور عيني.

أسما شريف منير وموقفها من الحجاب: لو لبسته لازم أكون قدوة

أسما شريف منير: اللي بيحصل محفوني.. لازم الناس تراجع نفسها واللي مبصليش يصلي

أسما شريف منير: أنا ضد أن السهرات تبقى محور حياتي

وعلى صعيد أخر، كشفت المذيعة أسما شريف منير أنها قد توقفت عن الذهاب إلى السهرات الخاصة، واستبدالها بالصلاة، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

وكتبت أسما شريف منير خلال خاصية استوري: كل يوم أربع كنت بسهر مع صحابي وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مروحتش ودا بدأ بأني حاسة أني عمري ما هعرف أرقص وأهيص في الوقت الصعب دا وبعدين بقى إحساس ليه علاقة بيا أنا واختياراتي.