أسما شريف منير: اللي بيحصل محفوني.. لازم الناس تراجع نفسها واللي مبصليش يصلي

خرجت الفنانة أسما شريف منير في فيديو عبر حسابها الرسمي بموقع تبادل الصور والفيديوهات انستجرام لتتحدث عن الأزمة التي تمر بها دول فلسطين خلال الفترة الحالية ووفاة العديد من الأشخاص يوميا، مناشدة جمهورها ومتابيعها بإعادة تفكيرهم في العديد من الأشياء والالتزام والتقرب إلى الله.

تحيا مصر يرصد في ذلك التقرير تصريحات أسما شريف منير

أسما شريف منير: اللي بيحصل ده لازم يعلمنا حاجة.. مينفعش تقلل وتشتم في الناس

وقالت أسما شريف منير في الفيديو: اللي بيحصل ده ليه سبب حاسة إن الإسلام ابتدى يظهر بشكل واضح وبان قد ايه المسلمين طيبين وفيه ناس كتير بتخاف على بعض وبان حبنا لللبلد رغم إن الموضوع بقاله سنين واحنا مكنش عندنا احساس بيه عايزين بس نقول الحقائق.

وتابعت: بشوف على صفحات كتير ناس بتحاول تساعد وتقول كلام مفيد ونعلي صوتنا، ولكن في الجانب الأخر فيه ناس بتتريق وناس بتعمل مميز بتضحك وناس بتشتم وناس بتحبط، لو اللي بيحصل ده مش هيعلمنا كلنا حاجات كتير، لازم الواحد ميبقاش مدعي مينفعش تشتم وتقلل من الناس وتعمل حاجات مش مظبوطة في حياتك.

أسما شريف منير: لاز يبقى عن إنتماء حقيقي.. اللي عنده نقمة في البلد بتاعته يحمد ربنا انه عنده جيش يحميه

وأضافت: لازم الواحد اللي مبيصلوش يرجع يصلي، الالتزام صعب اللي عنده نقمة على البلد بتاعته يحمد ربنا إن عنده جيش بيحميه، لازم يبقى عندنا إنتماء حقيقي مش ناس داخلة تعمل شير لكلام مش حسام ومش فهماه ومش مستوعبا، نساعد إخوتنا بأي طريقة ممكنة نبطل ادعاء وفيه حد أعرف لقيته بيقول إنه مش متعاطف مع للي بيحصل بس في نفس الوقت عمال ينزل حاجات عن فلسطين.. اللي بيحصل ده بقى مخوفني.

أسما شريف منير تدعم فلسطين

وسبق وكتبت أسما شريف منير عبر حسابها الرسمي بموقع انستجرام: لا أملك إلا الدعاء اللهم لا تخيب رجاءنا وأنت أرحم الراحمين نسألك لأهل فلسطين النّصر على من عاداهم، عاجلًا غير آجل يا رب العالمين. اللهم احفظ أرواح المجاهدين في فلسطين، وردهم إلى أهلهم مردًا كريمًا آمنًا. اللهم بقوتك، وبغوثك، وبغيرتك على حرماتك، وبحمايتك لمن احتمى بآياتك، نسألك يا الله يا سميع يا قريب، يا مجيب يا منتقم يا جبار، يا قهار يا شديد البطش، يا عظيم القهر يا من لا يعجزه قهر الجبابرة، ولا يعظم عليه هلاك المتمردين من الملوك والأكاسرة، أن تجعل كيد المحتلين في نحرهم، واجعل مكرهم عائدًا إليهم.