فدوى عابد: مشكلتي أني طيبة وحكاية صوت وصورة مش غريبة على الواقع

فجرت الفنانة فدوى عابد بطلة مسلسل صوت وصورة عدة تصريحات خلال حلولها ضيفة على برنامج سبوت اون بموقع الفيديوهات الشهير يوتيوب.

تحيا مصر

تصريحات فدوى عابد بطلة مسلسل صوت وصورة 

وقالت فدوى عابد: أنا مش عاوزة تكنولوجيا وعربيات وممكن اعتزل كل دا واقعد في مزرعة قدام البحر.

وتابعت فدوى عابد، مش كل حاجة بتتكتب حقيقية لازم يكون فيه صوت وصورة وفيه علاقات كتير مريت بيها وناس مطمرش فيها والتجربة علمتني أن فيه قدر من البشر يحمل انانية.

فدوى عابد ببرنامج سبوت اون

وأضافت فدوى عابد، لو حد اعرفه اتعرض للتحرش هكون معاها ومش هسكت وحكاية رضوى في صوت وصورة مش غريبة على الواقع.

واستكملت، مش بعرف افتري على حد ومشكلتي اني طيبة وبعرف أشيل السر كويس وانا بير ومحدش بيعرف يمسك عليا حاجة.

فدوى عابد ضيفة عيش صباحك

هذا وقالت فدوى عابد خلال استضافتها مع يوسف التهامي وفانا إمام في «عيش صباحك» على «نجوم إف.إم، إنها تتعاون مع المخرجة هبة يسري في مشروع جديد هو الثاني لهما بعد مسلسل «سابع جار» من خلال فيلم جديد اسمه «قاعة الأوركيد» مع الفنانين منة شلبي وأحمد داوود.

اقرأ أيضًا.. 

خاص| أول تعليق من محمد سلام على هجوم بيومي فؤاد عليه

مسلسلات رمضان 2024.. هل تنضم عفاف مصطفى للسباق الرمضاني؟

وأشارت فدوى إلى إنها تتمنى تقديم قضية التنمر على الشاشة وتأثيرها على الأفراد، كما اختارت أن تجسد قصة حياة الفنانة نبيلة عبيد في عمل لأنها تحبها بشكل كبير.

وعن بداياتها في التمثيل، قالت: ما كنتش بفكر في التمثيل من وأنا صغيرة بس كنت بحب السينما وكنت بحب الغنا وشايفة نفسي هبقى مغنية برده، وبعد ما خلصت دراسة دخلت في حياة الشغل والوظيفة وبعدين قلت الحياة بتجري ومش هفضل قاعدة على مكتب وقعدت 15 سنة بشتغل لحد ما جت لحظة لازم أعمل حاجة، وكله كان بيتريق عليا، لحد ما قابلت المخرجة هبة يسري وقالت لي مش عاوزة تمثلي فقلت لها يا ريت فبعدها كلمتني علشان أعمل كاستنج علشان أعمل سابع جار وقبلها ما كنتش واخدة ورش ولا حاجة فده كان من عندي أنا، وكنت مركزة هطلع الشخصية إزاي، وبعدها بدأت آخد ورش.