الموت يفجع الفنان محمد علي رزق

أعلن الفنان محمد علي رزق وفاة جدة زوجته اليوم السبت الموافق 11 نوفمبر، ولكن لم يتم الكشف عن تفاصيل الجنازة أو العزاء الخاصة بجدة زوج محمد علي رزق. 

تحيا مصر

وفاة جدة زوجة محمد علي رزق 

وكتب محمد علي رزق عبر حسابه الرسمي بموقع التواصل الاجتماعي فيسبوك عن وفاة جدة زوجته قائلًا: توفيت إلى رحمة الله جدة زوجتي ، الرجاء قراءة الفاتحة والدعاء لها بالرحمة والمغفرة.

وانهالت التعليقات على منشور الفنان محمد علي رزق داعين لجدة زوجة محمد علي رزق بالرحمة. 

محمد علي رزق يتحدث عن فقدانه للوزن 

على الصعيد الآخر، كان تحدث محمد علي رزق عن فقدانه للوزن قائلًا: أنا اتقالي كتير اوعى تخس علشان هتخسر ومش هتشتغل وأنت بقيت كاركتر ولو خسيت مش هتشتغل، بس أنا بصيت للموضوع بشكل تاني.

وتابع محمد علي رزق: أنا مخستش علشان مش حابب شكلي ولا علشان أسباب صحية أنا بصيت لمستقبلي في المهنة يعني لو عايز اعمل دور ظابط مثلا، والمشكلة مش عندي لكن في ادوار الشكل هيحكمك وفي ادوار المخرجين مش هيشوفوك غير في اللي أنت عملته.

تصريحات محمد علي رزق

وأضاف محمد علي رزق: أنا مكنش عندي مشكلة وانا تخين اعمل دور واحد شرير لأن التخن ملوش علاقة بالطيبة والشر لكن للأسف المخرجين اللي بيجازفوا قليلين اوي فانا قررت اخس لاني زهقت أنا بقيت بعمل نفس الأدوار مع اختلاف بسيط وانا شايف اني لو فضلت في دايرة واحدة هموت فنيا وانا شايف أن امكانياتي اكتر من شكلي فكان لازم اخس علشان اظهرها وكنت مراهن على دة.. أنا كنت 150 كيلو وبقيت 100 دلوقتي.

اقرأ أيضًا.. 

خاص| عفاف مصطفى تكشف عن الموعد النهائي لعرض مسلسل البيت بيتي الجزء الثاني 

عفاف مصطفى: ربنا ينصر فلسطين ويحمي مصر.. دا اللي بتنماه من ربنا

وعن مشاركته في مسلسل الاختيار قال: اتصلت ببيتر ميمي علشان اباركله بعد الاختيار 1 وقلتله اني سمعت عن وجود جزء تاني وعايز اشتغل معاك فيه وجيه الاختيار 2 ومحدش كلمني وبعد كدة لقيتهم بيكلموني على الاختيار 3.

وتابع: أنا فاكر المكالمة كويس لاني كنت بحتفل بعيد ميلادي مع مراتي واتصلوا بيا ومسمعتش التليفون وبعد شوية لقيت صديقي بيكلمني وبيقولي أن الناس بتدور عليا وبيكلموني ومش برد وكلمت الكاستينج دايركتر وقالي ان في دور في الاختيار 3 بس هو مش كبير اوي قلتله مش مهم مساحة الدور المهم يكون حلو وانا عايز اشتغل في الاختيار.

وأضاف: الاختيار عمل فني بيوثق مرحلة وانا بحب اكون جزء من عمل فني بيوثق لمرحلة مهمة في تاريخ مصر، وحظي الحلو أن دوري كان شبة الأدوار اللي كنت بحلم اعملها زمان وانا صغير يعني أنا بحب رأفت الهجان، جمعة الشوان، الثعلب والأعمال اللي فيها جاسوسية وفجأة لقيت دوري كدة ففرحت.