جمال العدل: مسلسل أرض النفاق 2 مش هينجح.. وهنيدي لازم يشتغل على نفسه عشان إيراداته وحشة

كشف المنتج جمال العدل عن رأيه في تقديم جزء ثاني من فيلم صعيدي في الجامعة الأمريكية، وذلك خلال لقاء له ببرنامج حبر سري مع المذيعة أسما إبراهيم، عبر شاشة تلفزيون قناة القاهرة والناس.

تحيا مصر

جمال العدل ومحمد هنيدي

وقال جمال العدل: مش متحمس للجزء التاني من فيلم صعيدي في الجامعة الأمريكية لأنه تكرار للنجاح، الجزء الأول عمل نقلة في السينما المصرية، وأغلب السينمات اللي كانت قافلة فتحت، وأنا أشك أن الجزء التاني ينجح زي الأول وغير متحمس.

وتابع: هنيدي بيعمل أرض النفاق الجزء التاني من غيري للأسف، هنيدي صاحبي وعشرة عمر واللي غايظني أنه نجم وكبير وعيب يعمل كدا، ولكن حقه يعمل كدا، واللي غاظني أكتر أنه لما نزل الصورة بعتهاله على الواتساب قولتله ايه دا مردش عليا لغاية دلوقتي، ورأيي أنه مش هينجح.

جمال العدل: كان هدفي أظهر محمد رمضان في الزيرو بشكل مختلف ولو كان نزل في العيد نجاحه هيبقى أكبر

محمد هنيدي عن التضامن مع فلسطين عبر السوشيال ميديا: لا يقل أهمية عن النضال الحقيقي

جمال العدل: محمد هنيدي إيراداته وحشة

واضاف: إيرادات هنيدي وحشة في السينما بس مش معناه أنه شطب، ممكن يكون نزل في توقيت غلط، وأنا سامع أن فيلم مرعي البريمو مش حلو بس هنيدي نفسه نجم كوميدي، والمفروض يشتغل على نفسه عشان يعمل أفلام أحسن من كدا.

جمال العدل وفيلم ع الزيرو

وسبق وأن تحدث المخرج جمال العدل عن فيلم ع الزيرو والإيرادات الذي حققها في السينمات المصرية والتي لم تكن مرضية كالذي حققه فيلم هارلي، مشيرا إلى أن ردود الفعل خارج مصر كانت فائقة.

وقال جمال العدل خلال لقاءه ببرنامج ET بالعربي: ردود الفعل اللي وصلتني على فيلم ع الزيرو والإيرادات من بره أجمل بكتير من مصر، ورأي الناس في الفليم عاجبني وكل الناس قالت رمضان أول مرة يظهر كده ومثل بطريقة عمره ما مثل بيها وهو المطلوب إثباته.

وتابع، احنا نزلنا فيلم ع الزيرو  في الصيف ولكن الأفلام اللي خدت الجو اللي نزلت في العيد، ولكن إحنا مالحقناش ننزله في العيد ومخفناش ننزله زي ما الناس قالت، ولو كنا لحقنا كان هيكون أحسن لنا، لأن توقيت العرض له مردود، وفيلم هارلي جاب فلوس أكتر مع أنه أقل من ع الزيرو لأنه نزل في العيد.