جمال العدل: كان هدفي أظهر محمد رمضان في الزيرو بشكل مختلف ولو كان نزل في العيد نجاحه هيبقى أكبر

تحدث المخرج جمال العدل عن فيلم ع الزيرو والإيرادات الذي حققها في السينمات المصرية والتي لم تكن مرضية كالذي حققه فيلم هارلي، مشيرا إلى أن ردود الفعل خارج مصر كانت فائقة.

تحيا مصر يرصد في ذلك التقرير تصريحات المخرج جمال العدل عن فيلم ع الزيرو

جمال العدل وفيلم ع الزيرو

وقال جمال العدل خلال لقاءه ببرنامج ET بالعربي: ردود الفعل اللي وصلتني على فيلم ع الزيرو والإيرادات من بره أجمل بكتير من مصر، ورأي الناس في الفليم عاجبني وكل الناس قالت رمضان أول مرة يظهر كده ومثل بطريقة عمره ما مثل بيها وهو المطلوب إثباته، احنانزلنا فيلم ع الزيرو  في الصيف ولكن الأفلام اللي خدت الجو اللي نزلت في العيد، ولكن إحنا مالحقناش ننزله في العيد ومخفناش ننزله زي ما الناس قالت، ولو كنا لحقنا كان هيكون أحسن لنا، لأن توقيت العرض له مردود، وفيلم هارلي جاب فلوس أكتر مع أنه أقل من ع الزيرو لأنه نزل في العيد.

وعن المقارنة بين ع الزيرو وفيلم مرعي البريمو، قل جمال العدل: إيردات فيلم ع الزيرو ومرعي البريمو متشابهة جدًا وماشيين جمب بعض.

تفاصيل فيلم ع الزيرو

يذكر أن الفيلم يناقش قصة إنسانية لمعاناة أب فقير مع مرض ابنه ومحاولة إنقاذ حياته، ولكن تتطور الأحداث ويصبح من الأغنياء.

الفيلم بطولة النجم محمد رمضان والنجمة نيللي كريم، چومانا مراد، خالد الصاوي، محمد لطفي, شريف دسوقي، إسلام ابراهيم، تأليف د. مدحت العدل وإخراج محمد العدل ومن إنتاج جمال العدل وأحمد العدل واستوديوهات ڤوكس.

مدحت العدل وتصريحاته عن فيلم ع الزيرو

وكان قد تحدث مدحت العدل في تصريحات خاصة لموقع تحيا مصر عن العمل، فقال: فيلم ع الزيرو فيلم بسيط إنساني، بيمثل فيه محمد رمضان شاب شبه كل الشباب اللي في سنه في العالم العربي، اللي هي عشان تاكل وتشرب وتنام وتتعالج هو بطل، ومحمد رمضان طالع بطل عادي مش بطل سوبر مان ولا بيطير.

وتابع: احنا عارفين يعني ايه ناس.. احنا من شبرا.. الشخص العادي في الوطن العربي لو ابنه لا قدر الله تعب مش بيبقى عارف يعمل ايه، بس عاملين دا بخفة دم وع الزيرو، وروح الفيلم أن محمد رمضان شبه كل الناس العادية.