علي قدورة: اشتغلت منجد بعد وفاة والدي لأنه كان سايبنا على الحديدة

كشف الفنان المعتزل علي قدورة عن تفاصيل صعبة عاشها منذ طفولته، وتحديدًا بعد وفاة والده، وذلك من خلال مقطع فيديو له، عبر قناته الرسمية على موقع الفيديوهات العالمي يوتيوب.

تحيا مصر

تصريحات علي قدورة الأخيرة

وقال علي قدورة: اشتغلت منجد بعد وفاة والدي لأنه كان سايبنا على الحديدة.. وهو والدي كان منجد في إسكندرية واتعرضنا لأزمة مالية سنة 2006 ومرض جامد ومات، ومن بعده بقيت أساعد والدتي في المصاريف.

علي قدورة بعد اعتزاله: هبدل الأغاني بتاعتي بأدعية وقرآن ومبسوط بالخطوة اللي اخدتها

علي قدورة يعلن اعتزاله

وسبق وأن أعلن مطرب المهرجانات الشعبية علي قدورة اعتزاله الغناء وذلك من خلال حسابه الرسمي بموقع التواصل الاجتماعي “فيسبوك”، مشيرًا إلى أنه سعيد بهذا القرار وسيعطي ماله كله إلى أهله وسيبدأ حياته من جديد.

وكتب علي قدورة عبر حسابه الرسمي بموقع “فيسبوك": السلام عليكم في يوم جمعة مبارك  انا علي عبد القادر السيد ، الشهير ب علي قدورة كنت مغني قبل النهاردة  في حاجة حصلتلي مش عارف اية هي بس الحاجة دي هي الي بتخليني اتكلم دلوقتي انا بريء من كل عمل او مزيكا عملتها في حياتي و بعلن  اعتزالي عن مجال الاغاني لحد ما يفتكرني ربنا.

وتابع حديثه قائلا:  يارب سامحني عن اي حاجة انا عملتها في حياتي او اي حاجة صدرت مني و يارب قربني ليك و افتحلي باب رزق يرضيك  و مفيهاش حاجة لو بدأت من جديد في اي شغل بالحلال و اي فلوس معايا انا هسيبها بالرضا.

علي قدورة يحذف جميع أغانيه من يوتيوب

وعلى صعيد أخر، كان قد أعلن علي قدورة قيانه بحذف جميع أغانيه من موقع الفيديوهات العالمي يوتيوب، وذلك من خلال منشور عبر حسابه الشخصي بموقع تيك توك.

وقال علي قدورة: الدنيا مخلصتش على الأغاني، ولا بقول حلال ولا حرام، ولكن هي خطوة أنا حبيت آخدها والحمد لله اخدتها وحذفت كل الصور على الرغم من إنها مجرد صور على الفيس بوك وعلى إنستجرام، وكل الأغاني بتاعتي اللي على اليوتيوب الخاص بيا وكل الفيديوهات اللي كانت على التيك توك وإن شاء الله هبدلها بأدعية وقرآن، وربنا يوفقني.