علي قدورة بعد اعتزاله: هبدل الأغاني بتاعتي بأدعية وقرآن ومبسوط بالخطوة اللي اخدتها

خرج مطرب المهرجانات الشعبية في فيديو نشره عبر حسابه الرسمي بموقع تيك توك، ليكشف للجمهور اعتزاله السوشيال ميديا والغناء، موضحا سبب حذفه لأغنياته المختلفة.

تحيا مصر يرصد في ذلك تصريحات على قدروة بعد اعتزاله الغناء

علي قدروة: حذفت كل الاغاني بتاعتي من يوتيوب 

وقال علي قدروة في فيديو نشره عبر حسابه الرسمي بموقع تيك توم: الدنيا مخلصتش على الأغاني، ولا بقول حلال ولا حرام، ولكن هي خطوة أنا حبيت آخدها والحمد لله اخدتها وحذفت كل الصور على الرغم من إنها مجرد صور على الفيس بوك وعلى إنستجرام، وكل الأغاني بتاعتي اللي على اليوتيوب الخاص بيا وكل الفيديوهات اللي كانت على التيك توك وإن شاء الله هبدلها بأدعية وقرآن، وربنا يوفقني. 

علي قدور يعلن اعتزاله 

وكان قد أعلن علي قدورة اعتزاله الغناء فقال عبر حسابه الرسمي بموقع فيسبوك: السلام عليكم في يوم جمعة مبارك  انا علي عبد القادر السيد ، الشهير ب علي قدورة كنت مغني قبل النهاردة  في حاجة حصلتلي مش عارف اية هي بس الحاجة دي هي الي بتخليني اتكلم دلوقتي انا بريء من كل عمل او مزيكا عملتها في حياتي و بعلن  اعتزالي عن مجال الاغاني لحد ما يفتكرني ربنا.

علي قدورة: ربنا يثبتني في الطريق ده ومبقتش أمتلك إلا الصفر

وتابع حديثه قائلا:  يارب سامحني عن اي حاجة انا عملتها في حياتي او اي حاجة صدرت مني و يارب قربني ليك و افتحلي باب رزق يرضيك  و مفيهاش حاجة لو بدأت من جديد في اي شغل بالحلال و اي فلوس معايا انا هسيبها بالرضي لأهلي و مش عارف هيبقي الصح اية و هبقي لا امتلك الا " صفر "  وربنا يثبتني في الطريق دة و مش هطول عليكم بس دي نيتي و ربنا كريم و كبير و " غفور رحيم.

نجوم أعلنوا اعتزالهم مؤخرا 

وكان قد أعلن عدد من نجوم الغناء اعتزالهم مؤخرا من بينهم فارس حميدة الذي كتب: مع بداية عام هجري جديد نبدأ نحن بداية جديدة فى عالم مليء بالخير والصالحين وهو عالم الدعوة إلى الله، ونسأل الله الإخلاص في العمل"، مرفقا أنشودة دينية جديدة له طرحها مؤخرا عبر قناته الرسمية بموقع الفيديوهات الشهير يوتيوب.

بينما قال أدهم نابلسي: الهدف اللي كنت بحلم بيه ما بيرضى رب العالمين، وأنا من زمان كنت عارف أن هييجي يوم واعتزل وجه اليوم وهعلن خبر سعيد جدًا.. الحمد لله اعتزلت الغناء وشكرًا على دعمكم.