عمرو محمود ياسين عن مهنة التمثيل: مرهقة نفسيًا وبتكون تحت رحمة الصناع والجمهور

أكد السيناريست عمرو محمود ياسين على أن مهنة التمثيل منهة شاقة للغاية ومرهقة نفسيًا، مشيرًا إلى أن الممثل يكون تحت رحمة الصناع والجمهور.

تحيا مصر

عمرو محمود ياسين يكشف عن رأيه في مهنة التمثيل 

وقال عمرو محمود ياسين في تصريح خاص لموقع تحيا مصر عن مهنة التمثيل: مهنة لا تملك من أمرك فيها الكثير يعني أنت في الأول والآخر تحت رحمة الصناع اللي هل هيبعتولك ولا ميبعتولكش.

وأضاف عمرو محمود ياسين: وتحت رحمة الجمهور اللي هل هيحبك ولا لا فهي مهنة مرهقة نفسيًا جدًا وأغلب الممثليين بيبقوا تحت ضغط فأنا بشفق عليهم.

عمرو محمود ياسين يبرز أهمية السيناريو

وسبق وقال عمرو محمود ياسين: أي فنان هيتحط في ظروف أن في نص مكتوب بشكل جيد وشخصية واضحة المعالم شخصية فيها فعل ورد فعل ومخرج قادر يوظف الممثل ويديره بشكل جيد لو اتوجدت الحاجتين دول هتلاقي الممثل حالته أفضل.

وتابع عمرو محمود ياسين: السيناريو هو مفتاح الأداء الجيد للمثل والسيناريو هو السبب لنجاح أي عمل في الدنيا مهما كان مين الممثلين ومين المخرج.

وأضاف عمرو محمود ياسين: لو مفيش نص مكتوب بشكل جيد فأعظم مخرج مش هيقدر يعمل أي أي حاجة.. فلو مفيش سيناريو جيد مفيش عمل كويس زي بالظبط المعلب لو جبتي أحسن لاعيبة وأحسن مدرب وحكم بس مفيش كورة.

أزمة عمرو محمود ياسين مع برنسة عبد الغني

على الصعيد الآخر، رد عمرو محمود ياسين عبر حسابه الرسمي بموقع التواصل الاجتماعي فيسبوك على اتهامات الفنانة برنسة عبد الغني بتسببه في ضياع قصة حياتها قائلًا: يا أستاذة برنسة تحياتي ليكي أولا، ثانيًا حضرتك كنتي قابلتيني وإحنا بنصور مسلسل ونحب تاني ليه، على ما أتذكر ولاقيتك من تلقاء نفسك جايبالي ملخص، وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش أقراه وقتها.

وأضاف عمرو محمود ياسين: قريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له.. وحضرتك ماكلمتينيش تاني وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية إني أنا ضيعته ؟؟ مش عارف جبتي الفكرة دي منين؟؟.

واستكمل عمرو محمود ياسين حديثه قائلًا: الملخص بتاعك في الحفظ والصون زي ما هو وتقدري تاخديه وقت ما تحبي وربنا يكرمك.