بسنت شوقي عن احداث غزة: مش في أيدي حاجة غير اني ادعي

علقت الفنانة بسنت شوقي على الأحداث التي تحدث في غزة خلال الفترة الحالية على يد الكيان الاسرائيلي، من قتل الاطفال والاعتداءت المستمرة على النساء وغيرها من الأشياء المأسوية والوقائع التي لا تمت للإنسانية بصلة.

تحيا مصر 

بسنت شوقي تعلق على الأزمة الفلسطينية 

وقالت بسنت شوقي خلال لقائها ببرنامج et بالعربي: يمكن ربنا عمل كده علشان الجيل اللي طالع وما كانش عنده انتماء أو معرفة واطلاع بالقضية زي جيلنا، يبقى عارف يكمل مسيرة الحرب مع التكنولوجيا، والله أعلم إيه هيحصل، لكن الموضوع كبير مش بس في عدد القتلى والمصابين ولكن في الأثر النفسي على الناس، لأن زمان كنا بنشوف نشرة الأخبار والتليفزيون حاليًا السوشيال ميديا تنقل كل حاجة وكل حاجة بتيجي في وقتها وفيه عمق وربنا معاهم ويا رب الموضوع يخلص ومفيش حاجة أقدر أعملها غير الدعاء.

بسنت شوقي: طلعنا من الأزمة اللي بتحصل دي بالوعي 

وتابعت بسنت شوقي حديثها، قائلة: الحاجة الإيجابية اللي طلعنا بها من الموضوع الوعي، لأن زمان مكنش في سوشيال ميديا لكن دلوقتي بقى في وعي عالمي على القضية، ووعي للجيل اللي طالع لأن دول كانوا ناس مغيبين تمامًا، دي يمكن بريق الأمل اللي في الموضوع اللي هو أنا حاسة أنه هيكمل في موضوع القضية والسوشيال ميديا هتساعد في الضغط على القوى العظمى.

بسنت شوقي عن أحداث غزة: السوشيال ميديا هتساعد في الضغط على القوى العظمي

بسنت شوقي تعيش حالة من النشاط الفني 

من ناحية أخرى، تعيش الفنانة بسنت شوقي حالة من النشاط الفني، حيث تشارك مع الفنان أحمد الفيشاوي خلال الفترة الحالية في فيلم السيستم، والذي روج له الفيشاوي عبر حسابه الرسمي بموقع التواصل الاجتماعى انستجرام بشكل مستمر، ويشاركهما في البطولة كلا من طارق لطفي، نسرين طافش وهو من تأليف أحمد مصطفى ومن إخراج أحمد البنداري، كما تشارك أيضًا في بطولة مسلسل العودة إلى جانب كلا من شريف سلامة وعصام السقا، وليد فواز، شاهيستا سعد، ولاء الشريف، صفاء الطوخي، محمد عبدالعظيم، أحمد والي، تارا عماد، تأليف أمين جمال، ومن إخراج أحمد حسن، ومن المقرر أن يحقق نجاحا كبيرا خلال فترة عرضه.