معتزة عبد الصبور لـ بيومي فؤاد: كنت هحترمك لو كنت عملت شغلك وسكت احتراما للوقت الصعب ده

حرصت الفنانة معتزة عبد الصبور توجيه رسالة قاسية للفنان بيومي فؤاد، وذلك بعد تصريحاتها الأخيرة والتي لام من خلالها محمد سلام على اعتذاره عن المشاركة في مسرحية زواج اصطناعي، والتي تم عرضها فب موسم الرياض السعودي منذ أيام، وأثارت جدلًا واسعًا على السوشيال ميديا.

تحيا مصر 

معتزة عبد الصبور لـ بيومي فؤاد: الترفيه هدف من أهداف الفن مش محتاج يتخبى

وقال معتزة عبد الصبور لـ بيومي فؤاد عبر حسابها الرسمي بموقع التواصل الاجتماعي “فيسبوك”: من ضمن أهداف الفن الكتير جدًا هو الترفيه إني أرقص وأغني وأضحك الجمهور، القدرة على ده نعمة وموهبة من عند الله يجب أن أحسن استخدامها، الترفيه في حد ذاته هدف نبيل جدًا من أهداف الفن الكثيرة جدًا، فمش مفهوم خالص بالنسبة لى لية حد ينفى أنه بيعمل ده وهو ده اللى هو بيعمله بالظبط ويزايد على من ليست لديه القدرة النفسية للفعل ده في اللحظة دى، والترفيه فى حد ذاته من خلال الفن لا يعيب أى فنان في شيء بالمرة.

معتزة عبد الصبور لـ بيومي فؤاد: التوقيت قاتل مش بس غير مناسب

واستكملت معتزة عبد الصبور حديثها لـ بيومي فؤاد: احنا كشعب مذبوحين كنت احترمنا احنا كمان واحترم اخواتنا اللى احنا مذبوحين علشانهم كنت محترم حضرتك جدًا واحترم اختيارك لو كنت حضرتك عملت شغلك وسكت احترامًا لكل شيء ولكل المكلموين التوقيت يا فندم التوقيت فيه توقيت بيبقى قاتل مش بس غير مناسب، ولكن سبة وجرح غائر وما هو أكثر فداحة، أنا كنت طول الوقت ملتمسة شيء من العذر إن دي توقيتات عمل قد يكون صعب تغييرها ولكن طبعا مش مستحيل وكان كل عشمي إن حضرتك لما تمسك الميكروفون علشان تقول أي حاجة، تطلب طلب بسيط من جمهورك هناك اللي أنا عارفة حجم شعبيتك عندهم، وهو التبرع من أجل غزة والضغط من أجل وقف إطلاق النار وده كان يكفى تماما.

ماجدة خير الله عن فيديو بيومي فؤاد: موقف مهين.. عليه العوض في الفن المصري

عفاف مصطفى لـ بيومي فؤاد: بتبكي وتمثل على السعوديين أنت ناقصك فلوس؟

معتزة عبد الصبور: اخواتنا في غزة بيلفوا على البيوت يشحتوا

واختتمت معتزة عبد الصبور حديثها: بالمناسبة، اخواتنا في غزة النهاردة وصل بيهم الجوع أنهم بيلفوا على البيوت يشحتوا لو حد عنده أى شيء زيادة للأكل للصغار اللى فعليًا بيموتوا وأجهزة جسمهم بتقفل من الجوع والمتوقع أن كل الصغار اللى أقل من خمس سنوات والعجائز هيموتوا من ال dehydration العطش والجوع لأن أجهزة جسمهم لن تتحمل  ده لو مماتوش قبلها بالقصف الجوى قلت أحط المعلومة التافهة دى مع الأستاذ التريند يمكن تلفت ده نظر أي حد.