ماجدة خير الله عن فيديو بيومي فؤاد: موقف مهين.. عليه العوض في الفن المصري

علقت الناقدة ماجدة خير الله على تصريحات الفنان بيومي فؤاد بموسم الرياض بشأن اعتذار الفنان محمد سلام عن المشاركة في عرض مسرحية زواج اصطناعي هناك.

تحيا مصر 

ماجدة خير الله تنتقد بيومي فؤاد 

وكتبت ماجدة خير الله عبر حسابها بموقع التواصل الاجتماعي فيسبوك منتقده بيومي فؤاد على خليفة تعليقه على اعتذار محمد سلام: الفنانين اللي كانوا مصفوفين خلف بيومي، رأيهم إيه في اللي عمله واللي قاله؟ لو حد منهم له موقف محترم ومختلف ليه مايطلعش ويقول أن بيومي فؤاد لايمثلني.

وأضافت ماجدة خير الله: اما اذا كان كلهم موافقين علي هذا الموقف المهين، يبقي عليه العوض في الفن المصري.

بيومي فؤاد يهاجم محمد سلام 

وكان قال بيومي فؤاد عن محمد سلام: من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا.

وأضاف بيومي فؤاد: شيء عظيم إن الفنان يبقى ليه جمهور في كل الدول ... شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف.

محمد سلام يعتذر عن المشاركة في موسم الرياض 

وجاء ذلك بعد اعتذار محمد سلام عن المشاركة في موسم الرياض قائلًا: السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر.

وتابع محمد سلام: هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم.

اقرأ أيضًا..

إيهاب توفيق: هقدم أدعية في رمضان المقبل وهعمل أغاني فرفشة الفترة الجاية

إيهاب توفيق يتخذ الإجراءات القانونية ضد شركة تنظيم حفلات لهذا السبب| تفاصيل
وأضاف: أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده.