عمرو أديب يدافع عن بيومي فؤاد: دا أكل عيشه ومحدش هينفعه

حرص الإعلامي المصري عمرو أديب على الدفاع عن الفنان بيومي فؤاد بعد الهجوم عليه بسبب مشاركته في موسم الرياض ونشر مقطع فيديو له ينتقد الفنان محمد سلام.

تحيا مصر 

عمرو أديب ينتقد مهاجمي بيومي فؤاد 

وقال عمرو أديب خلال برنامجه الحكاية المذاع عبر قناة Mbc مصر:  ايه اللي أنتوا بتعملوه فيه دا هو عمل ايه هو بيشتعل شغلته.. دا لو كان عرض في إسرائيل مكنتوش عملتوا كده.

وتابع عمرو أديب:  طيب ما في 5 مصريين كانوا بيغنوا في أبو ظبي امبارح محدش كلهم.. ولا هو عشان بيعرض في الرياض.. موسم الرياض مش هيوقف.. دا أكل عيش الناس.

عمرو أديب يدعم بيومي فؤاد 

واستطرد عمرو أديب: أنا بدافع عن كل فنان بيسافر وبيشتغل و احنا عندنا مزاج نشتم بتوع الرياض بس، أيوة أنا بدافع عن موسم الرياض وكل فنان بيشتغل هناك هو حد هينفعهم! بيشتغلوا عشان الأقساط وهم على رأسي.

واستكمل عمرو أديب: الموضوع اتحول فجأة من بيومي فؤاد وموسم الرياض لخناقة مصرية سعودية.. هو الراجل دا لو مراحش الرياض هينقذ غزة وهيقلل موت الأطفال؟!

واختتم عمرو أديب حديثه قائلًا: أي حد هياجم فنان أنا هدافع عنهم.. أنا المحامي بتاعهم، سيبوا الناس تعمل اللي هي عايزاه.. لكن متعملوش في الفنانين المصريين كده عيب.. بنمشي في السعودية الناس بتشيلنا من على الأرض شيل لكن أنتوا وصلتوها لحرب.

وكان وقع الهجوم على بيومي فؤاد بعدما نشر الصحفي خالد فرج مقطع فيديو قال فيه الفنان بيومي فؤاد : من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا.

أزمة بيومي فؤاد ومحمد سلام

وتابع بيومي فؤاد: شيء عظيم إن الفنان يبقى ليه جمهور في كل الدول ... شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف.

وسبق واعتذر محمد سلام عن المشاركة في موسم الرياض قائلًا: السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر.

وتابع محمد سلام: هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم.

اقرأ أيضًا..

خاص| عفاف مصطفى تكشف تفاصيل دورها في مسلسل البيت بيتي 2 

 قبلها حسين فهمي..من هي باميلا الكيك حديث السوشيال ميديا

وأضاف: أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده.