ابن أشرف مصيلحي يتذكر والده بكلمات مؤثرة: اللهم ارحم من مات بالدنيا ولم يمت بقلبي

حرص يوسف مصيلحي، نجل الفنان الراحل أشرف مصيلحي على تذكر والده بكلمات مؤثرة وذلك من خلال الدعاء له في يوم الجمعة عبر حسابه الرسمي بموقع تبادل الصور والفيديوهات انستجرام.

تحيا مصر 

ابن أشرف مصيلحي 

ونشر ابن أشرف مصيلحي صورة لوالده المتوفي عبر حسابه الرسمي بموقع تبادل الصور والفيديوهات انستجرام من خلال خاصية "ستوري"، وعلق عليها قائلا: اللهم ارحم من مات بالدنيا ولم يمت بقلبي.. ارحم أبي واسكنه جنتك.

ابن أشرف مصيلحي عن والده: أحن أب في الدنيا 

وكان قد كتب ابن أشرف مصيلحي عبر موقع انستجرام عن والده: الله يرحمك يا أطيب وأجدع وأحن أب في الدنيا، وكان نفسي تكون موجود وشايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه، وده عشان إحنا كنا صحاب وكنت بتفهمني وعارف دماغي، وأنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين، وحاسس أكيد بكل المحبة اللي كانوا موجودين اليومين دول وهيفضلوا موجودين على طول، دلوقتي أنا هعرف أتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان، فـ مش بعرف أتكلم معاك بس أنا عايزك تعرف أني بحبك أوي، وهفضل شايل اسمك وأنا فخور أنك أبويا.

منال الصيفي عن أشرف مصيلحي: في آخر لحظاته كنت بقول يارب كفاية عليه كده تعب أوي

في أول جمعة بعد وفاته.. زوجة أشرف مصيلحي تزور قبره

وفاة أشرف مصيلحي

ورحل أشرف مصيلحي عن عالمنا في يوم 17 من شهر أكتوبر الماضي، وذلك بعد صراع دام لعامين مع مرض السرطان وكانت قد ساءت حالته بشكل كبير في أيامه الأخيرة،  جعلت زوجته تستغيث بأطقم طبية وسيارات إسعاف لإنقاذه وبدأ الأطباء يتابعون حالته في المنزل، ولكن أشارت زوجته أنه في اخر أيامه وان علاجه أصبح ميؤس منه، حيث قالت في تصريحات صحفية في ذلك الوقت: مش بياكل ولا بيشرب، وحالته الصحية غير مستقرة، ويعيش حاليًا على الأجهزة فقط.