ويجز: أنا من أوائل المقاطعين.. عمري ما هاكل ولا هشرب أي شيء ليه علاقة بالكيان دا

أعلن مطرب الراب ويجز أنه من أوائل الناس التي طبقت مقاطعة المنتجات التي تدعم الاحتلال الإسرائيلي، وذلك من خلال لقاء له ببرنامج هاشتاج المذاع عبر شاشة تلفزيون قناة الجزيرة مباشر.

تحيا مصر

ويجز: أنا من أوائل الناس المطبقة للمقاطعة

وقال ويجز: أنا من أوائل المطبقين للمقاطعة، أنا عمري ما هاكل ولا هشرب أي شيء له علاقة بهذا الكيان، لأن في الأول والآخر أنا فلوسي اللي بنت الإمبراطورية دي، وفلوسك بتتبعت علشان تشارك في حرب غير عادلة وغير آدمية.

وتابع: كل أشكال التعاطف مع الشعب الفلسطيني مش كفاية.. بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي محدش بيتحرك، وبتكلمني عن المجتمع الدولي فين المجتمع المصري؟ أنا أصلا حياتي كبني آدم مصري دلوقتي مش نفس القيمة، أنا دلوقتي فهمت هي نفس العنصرية والطبقية والشكل اللي بيتبص لينا بيه أن دي شعوب تعبانة معندهاش القوة الكافية، يعني لو أنت معندكش حجم الجيش الإسرائيلي والأمريكاني متطلبش حقك.

ويجز يطرح أغنية جديدة بعنوان حلوة منك| فيديو

حذف أغنية كدا كدا لـ ويجز على يوتيوب| تفاصيل

رأي ويجز في الأحداث الجارية

وكان قد تحدث مطرب الراب ويجز عما يحدث حاليًا في فلسطين، وتحديدًا في غزة، وذلك من خلال لقاء تلفزيوني له ببرنامج هاشتاج، عبر شاشة تلفزيون قناة الجزيرة مباشر.

وقال ويجز: من وجهة نظري مفيش حد ييجي يكلمنا إن أمريكا ديمقراطية وعندها حرية لأ بالعكس، أنت بس بتحطني على خط أنا لازم أمشي عليه علشان تبقى دي الحرية وأول ما أطلع عنه أهو ده مش حرية ولا حاجة، نفس الحاجة أنت بتخاف من الناس المختلفة عنك وبتخاف من أشكال الحياة اللي ممكن ماتبقاش واخدة نفس الشكل بتاعك.

وتابع: يعني الاستخبارات الأمريكية مش عارفة وأنا اللي عارف اللي بيحصل في غزة؟ لأ هما مليون في المية عارفين اللي بيحصل في غزة، واللي بيحصل في غزة معمول حسابه ومعموله خطة والناس دي عارفة كويس هي بتعمل إيه.

ويجز يعلن تبرعه بجزء من أرباح جولته الغنائية في أمريكا

وفي وقت سابق، أعلن مطرب الراب ويجز تبرعه بجزء من أرباح جولته الغنائية في أمريكا، المقرر إقامتها من 25 أكتوبر إلى 6 نوفمبر، تضامنًا مع فلسطين، وذلك من خلال منشور عبر حسابه الشخصي على موقع تبادل الصور والفيديوهات إنستجرام.