تضامنًا مع أحداث فلسطين.. تأجيل حفل شيرين عبد الوهاب في الكويت

تأجيل حفل شيرين عبد الوهاب في الكويت.. كشفت الشركة المنظمة لحفل الفنانة شيرين عبد الوهاب بدولة الكويت ضمن فعاليات مهرجان ليلة العمر عن تأجيل الحفل تضامنًا مع فلسطين، حيث كان من المقرر إحياءه يوم 9 نوفمبر الجاري.

تحيا مصر

سبب تأجيل حفل شيرين عبد الوهاب في السعودية

وسبق و أعلنت الشركة المنظمة لحفل شيرين عبدالوهاب، الذي كان من المقرر إقامته يوم 27 من شهر أكتوبر الماضي  تأجيله لأجل غير مسمي بسبب ظروف خارجة عن الإرادة.

بيان تأجيل حفل شيرين عبد الوهاب في السعودية 

وكان حفل شيرين عبد الوهاب من المقرر أن يقام على خشبة مسرح مرايا بمدينة العلا فى المملكة العربية السعودية، وقالوا في بيان تم نشره خلال الحساب الرسمي لمهرجانات وفعاليات العلا على موقع تويتر: لظروفٍ خارجة عن إرادتنا، نفيدكم بتأجيل حفل النجمة شيرين  وهو الحفل الذي كان مقررا يوم 27 أكتوبر.

بهاء الدين محمد يهاجم شيرين عبد الوهاب 

على الصعيد الآخر، هاجم الشاعر بهاء الدين محمد الفنانة شيرين عبد الوهاب بسبب ندمها على تقديم أغنية ماتجرحنيش، حيث قال عبر حسابه الرسمي بـ فيس بوك: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

وتابع: المشهد الأول، أول يوم دخلت شيرين عبد الوهاب مكتبي كانت مع الأستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء

وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

واستطرد: المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

اقرأ أيضًا..

أول رد من الموسيقيين على هجوم عزة مصطفى ضد النقابة| تفاصيل

 نهال عنبر تطالب بتوفير كامل الدعم للمؤسسات الثقافية بالقري والنجوع لتنمية الوعي 

واختتم: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.