بسبب الألفاظ.. وفاء تطلب الخلع من زوجها: أسلوبه غير لائق

معاملته معايا وأسلوبه غير راقي وديما كلامه مليان ألفاظ.. بهذه الكلمات سردت وفاء قصتها مع زوجها طارق والتي دامت لمدة 4 سنوات زواج، وعامين خطوبة من قبلهم، وثلاثة أعوام جمعتهم ظروف العمل فيهم، إلا أنها في النهاية لجأت إلى محكمة الأسرة في الكيت كات طالبة الخلع من زوجها بسبب عدم تمكنها من إستكمال حياتها برفقته وعدم موافقته على الإنفصال.

تحيا مصر

رابط التسجيل في قرعة الحج 2024 على موقع وزارة الداخلية

تجديد بطاقة الرقم القومي من المنزل في ساعات

الداخلية تضبط عصابة الاستيلاء على بطاقات الدفع الإلكتروني

الداخلية تضبط أخطر مزور للأختام الحكومية والمستندات الرسمية

زوجة ترفع قضية خلع على زوجها

وسردت وفاء قصتها مع زوجها بالكامل قائلة «أنا عندي 38 سنة وكنت بشتغل في شركة في المقطم من حوالي 10 سنين، وبعد سنة من شغلي كان اشتغل معايا في المكتب شاب أسمه طارق اللي هو جوزي دلوقتي، وبدأت العلاقة بيني وبينه في إطار محدود جدا يخص العمل، ومع مرور الأيام بدأت العلاقة تتطور لأنها تكون زمالة عمل ثم صداقة، مع التحدث معه ومع المكوث سويا في المكتب قرابة الـ 10 ساعات، حتى تطورت العلاقة إلى تلميحات منه بالعاطفة».

وفاء: اتجوزته بعد حب وخطوبة 7 سنين

وتابعت وفاء قائلة «وبعد سنة من وجود طارق في الشغل العلاقة بيني وبينه بقت عاطفية، وكان أول مرة يصرح بأنه معجب بيا كان بعد سنتين من أول مرة شوفته فيها، وساعتها اتفقنا أنا وهو أنه يجي البيت ويتقدم لكن ساعتها حصلت حالة وفاة في العيلة عندي وقررنا التأجيل شوية، وبعدها طارق خد رقم والدي وأتصل بيه وراح قعد معاه وبابا ساعتها اتفق معاه على أنه يجي البيت ويتقدم، وجه فعلا البيت هو ووالده ووالدته واتقدم وفعلا اتخطبنا، وقال أنه هيتجوز في خلال سنة ونصف، وفضلنا نجهز في الشقة والتشطيبات وبعدها طلب من بابا أنه يمد الفترة 6 شهور».

وفاء: أسلوبه بقى غريب ومبقاش الشخص اللي اعرفه

وأكملت وفاء «ساعتها بابا وافق وكملنا التجهيزات والتشطيبات وحددنا ميعاد الفرح وكل الفترة دي طارق كان بني ادم سوي وطبيعي ومعندوش اي مشاكل، وكان اسلوبه في الكلام طبيعي جدا وشخصيته قوية، وفعلا اتجوزت أنا وطارق ومع مرور الأيام كان صوته بيعلى في المشاكل، وساعات كان يزعق في التليفون مع واحد صاحبه ويشتم قدامي عادي والألفاظ كترت في البيت، وبقى بيتكلم بإسلوب مش طبيعي خالص، وكمان بدأت طريقة كلامه وتصرفاته تتغير».

واختتمت وفاء قائلة «قعدت مع طارق أكثر من مرة وطلبت منه يعدل من كلامه وأسلوبه لكن هو كان بيقولي ديما ماله كلامي مش عاجبك بعد السنين دي كلها، مش عاجبك اللي أنا بعمله طيب ده اللي عندي، وفي مرة طلبت منه الإنفصال وأنه كدة أفضل وأني مش قادرة أعيش قالي أنا معنديش إنفصال، وساعتها تركت منزل الزوجية وقمت بالتوجه إلى محكمة الأسرة وتقدمت بقضية خلع منه».