عفاف مصطفى: جيش الاحتلال هو الطفل المدلل لأمريكا

استنكرت الفنانة عفاف مصطفى ما يحدث في غزة وأهاليها، حيث أنهم يتعرضون للقصف منذ ما يقرب من شهر وعلقت على هذا الأمر.

تحيا مصر يرصد تعليق عفاف مصطفى على الأوضاع في غزة.

تعليق عفاف مصطفى على الأوضاع في غزة

وقالت عفاف مصطفى في تصريح خاص لموقع تحيا مصر: في دولة عظمى متحكمة في الكرة الأرضية واللي هي أمريكا وبالتالي إسرائيل الطفل المدلل لأمريكا وهي خدت عهد تحميها طوال القرون.

تصريحات عفاف مصطفى 

من جانبه كانت قالت عفاف مصطفى خلال مداخلة هاتفية عبر برنامج تفاصيل، الذي تقدمه الإعلامية نهال طايل عبر فضائية صدى البلد 2، :«أنا اتعودت اتواصل مع عادل إمام تلفونيا، أو أروح اللوكيشن أسلم عليه وأباركله لو أنا بصور معاه أو لو مش بصور معاه، هو شخصية جميلة ولطيفة جدا وفوق الصورة اللي الناس بتتكلم عنها».

اقرأ أيضًا..

عفاف مصطفى: عادل إمام صحته كويسة وبيلعب رياضة.. ومهرجان القاهرة للدراما عالمي 

 عفاف مصطفى لـ تحيا مصر: من حقي أني اطالب اشتغل.. بدي جرس عشان اللي مش واخد باله يبص 

وأشارت عفاف مصطفى، إلى أنها أحبت أن تتواصل مع الزعيم عادل إمام ولكن أسرتها رفضت وتعاملت معه منذ تصوير مسلسل العراف، ولكن لم يكن بينهما أحاديث كثيرة، لكن الزعيم عادل إمام هو من رشحها لمسلسل أستاذ ورئيس قسم.

وأكملت عفاف مصطفى :«الزعيم عادل إمام كان بيقولي مفيش حد غيرك بيعرف يضحكني يا عفاف، أنا ممكن مضحكش حد على الشاشة بس أضحكه في الحقيقة، كان دايما يقولي تعالي أقعدي يا عفاف وضحكيني وكنت على طول بتواصل معاه تلفونيا وكنت أحكي له أني بصور في لوكيشن جنبه، كان يقولي تعالي اتفضلي أشربي فنجان قهوة أقوله لأ مش فاضية عندي تصوير».

وأوضحت عفاف مصطفى، «الزعيم على طول كان بيسأل عني ويطمن ولو تعبانه كان بيقولي طيب ابعتلك دكتور علشان الموضوع ميكبرش، وكان يتصل تاني يوم ويتطمن عليا، هو حد جميل وطيب وودود».

عفاف مصطفى تشيد بأولاد الزعيم عادل إمام 

وتابعت متحدثه عن رامي إمام: "رامي إمام شخص خجول ومهذب جدا أجمل حاجه في أولاد عادل إمام أنهم تربوا تربية خاصة مشوفتش زيهم في الأدب والأخلاق والتواضع والخجل، وأنا اتعاملت معاه في مسلسل "العراف" و"عايزة أتجوز".