حد كلمني قالي جوزك ماشي مع زميلته.. قصة داليا في محكمة الاسرة

أنا تعبت من الخيانة ومن العيشة معاك.. بهذه الكلمات وضعت داليا النهاية بينها وبين زوجها، بعدما لجأت إلى محكمة الأسرة في الكيت كات طالبة الخلع من زوجها بسبب خيانته المتكررة لها.

تحيا مصر

تكاليف استخراج جواز سفر 2023.. فوري ومستعجل وعادي

تحذيرات القيادة في الشبورة المائية 2023 وموعد إنتهائها

حقيقة فيديوهات حفل المنصورية.. الداخلية توضح التفاصيل وتضبط 6 أشخاص

قصة سيدة القليوبية وعشيقها.. جوزها كشفها وطلب منها تجيبه عشان ينتقم

داليا تطلب الخلع من زوجها بسبب الخيانة

وسردت داليا قصتها مع زوجها قائلة «أنا عندي 32 سنة، ومتجوزة من 3 سنين من شاب أسمه محمود أكبر مني بشهور بسيطة، اتعرفت عليه عن طريق جوز بنت عمتي، لما كنت عندها في سبوع بنتها، وشافني وطلب من جوزها أنه يتعرف عليا ويتقدم لي عشان يتجوزني، وبعدها جوز بنت عمتي عزمني عنده وقابلت الشاب ده للمرة التانية في حياتي، وقعدت اتكلمت معاه وحكي لي ساعتها كل ظروفه المادية وحياته وشغله، وطلب أنه يتجوزني وأخد رقم والدي وأخويا الكبير».

وتابعت داليا قائلة «وفعلا اتقدم محمود لوالدي وطلب منه يتجوزني ووالدي وافق عليه، وقال أنه جاهز للجواز في خلال سنة بالكتير، وبدأنا نجهز في الشقة والعفش، وخلال اقل من سنة كنا مخلصين ومحددين ميعاد الجواز، وعملت فرح الناس كانت بتحكي عنه، وهو ظروفه كانت فوق المتوسط، وشغله في شركة كبيرة، وبعد الجواز بدأنا ناخد على بعض أكتر ومكنش في مشاكل بتحصل بيني وبينه، وكان البيت هادي جدا، وزي اي بيت لحد ما عدت 8 شهور على جوازي، وكانت أول مشكلة بيني وبينه».

داليا: شوفت رسالة على موبايله كشفت خيانته

وأكملت داليا «بعد 8 شهور من الجواز لقيته واقف في البلكونة بيتكلم في التليفون ولما دخلت عليه طلب مني أني أسكت بعد ما شاورلي بـ إيده، ولما خرج قولت له كنت بتكلم مين قالي دي واحدة زميلتي في الشغل عندها مشكلة كنت بشوف حل، والغريبة أني لما سألته واحدة صاحبتك الساعة 2 بالليل طيب ما تستنى يوم الأحد لما تروح الشغل وتحلوا المشكلة دي، قالي لا دي مشكلة مع جوزها، أنا وقفت ساعتها ساكتة شوية مش متخيلة، قولت له وهي بتحكي مشاكل جوزها معاك ليه، قالي زملاء شغل عادي من زمان».

واستكملت داليا قائلة «مكنتش متخيلة الكلام وحصلت بيني وبينه خناقة وفضلنا نتخانق للصبح وبعدها صالحني وقالي أنا لو بعمل حاجة غلط كنت عملتها من وراكي أكيد، لكن مش وأنتي في الشقة وبتكلم قدامك، وبعد كام شهر، كان نايم في يوم ولقيت رسالة جت له على تليفونه وأنا بالصدفة ببص على الشاشة لقيت الرسالة مكتوب فيها - يلا بقى أحنا مش هنقضيها نوم قوم أرغي معايا شوية أنا قاعدة لوحدي - ولما صحي عملت عبيطة، لقيته بيلبس وقالي أنا نازل شوية على القهوة، ولما قولت له أنت مابتروحش القهوة في وسط الأسبوع قالي عادي رايح لناس صحابي».

داليا: حد كلمني وقالي جوزك بيخونك مع زميلته

لما رجع قامت بيني وبينه مشكلة، وده بسبب أني قولت له أنا شوفت الرسالة، وسألته الرسالة دي من مين، تابعت داليا في قصتها قائلة «قعد يقولي تاني هترجعي للمشاكل والحوارات دي واحدة زميلتي عادي يعني، وساعتها كانت أول مرة أسيب البيت وأمشى، وبعد ما قعدت يومين عند أهلي جه وصالحني وقالي ارجعي وأنا مش هكلم حد تاني، لحد ما في يوم بالصدفة جالي تليفون من رقم غريب وقالي أن جوزك محمود ماشي مع زميلته وهيطلقها من جوزها عشان بيحبها، ولما واجهته قالي أنتي عايزة تخربي البيت وخلاص، قولت له طيب الرسايل والمكالمات اللي بتيجي بعد الساعة 12 بالليل، قالي دي مجرد زمالة عمل وخلاص، ولما طلبت منه الإنفصال رفض، وروحت بيت أهلي لكن المرة دي مجاش، روحت رفعت قضية خلع عليه».