منى عبد الغني تبكي على الهواء: بأي ذنب طفل عنده شهور يتكفن

انهارت الإعلامية المصرية منى عبد الغني من البكاء على الهواء خلال تقديمها برنامجها الذي يحمل اسم الستات مايعرفوش يكدبوا، وذلك بسبب ما يحدث في فلسطين ويتعرض له أهالي غزة.

تحيا مصر يرصد انهيار منى عبد الغني من البكاء على الهواء بسبب أهالي غزة والشعب الفلسطيني. 

تعليق منى عبد الغني على ما يحدث بفلسطين

وقالت عبد الغني: أنا النهاردة عندي رسالة مش بتوصف حالي بس لكن رسالتي بتعبر عن ناس بنشوفها بقالنا كذا يوم بتتألم، بأي ذنب طفل عنده شهور يتكفن بالكفن وأطفال مجروحة جروح إحنا منقدرش نستحملها.

منى عبد الغني تستنكر الوضع في غزة

وتابعت: بنشوف فيديوهات لأمهات بتودع أطفالها بكل ثبات ويقين وهي صابرة ومنقدرش نقول غير حسبي الله ونعم الوكيل، وبشوف صور الأطفال دي وبتخيل أحفادي.. وبقعد اتخيل لو مكان الأم دي هما بجد أقوى مننا.

تصريحات منى عبد الغني 

واستطردت: الشعب ده قوي ومؤمن وده تصديقا لقول الله وإحنا بنموت مع كل صورة من دول وكل فيديو بشوفه ببقى عايزة أخد الأطفال دي في حضني واطبطب عليهم.. طفل رضيع المفروض ميكنش بيعمل حاجة في حياته غير أنه بيلعب الطفل ده كل ذنبه أنه اتولد في دولة محتلة معندهاش لا رحمة ولا دين.

وأردفت: خلينا نحاول نعيش ومنيأسش من رحمة ربنا وأكيد ربنا ليه حكمة في كده - إشارة إلى ما يحدث في غزة- وكل السيناريو ده مذكور في القرآن، أحداث بتخلي الواحد قلبه يتوجع كل ده هيخلص وهننتصر بإذن الله.

اقرأ أيضًا..

نجاة نجل منى عبد الغني من الغرق.. تفاصيل 

 منى عبد الغني تحذر السيدات: بلاش تعزمي صاحبتك وجوزك في البيت 

واختتمت منى عبد الغني حديثها قائلة: من حقكم تعيشوا حياتكم بس لازم نراعي مشاعر الناس اللي عايشين في صمت وبيتألموا وبيموتوا كل يوم والتاني.. وخلينا نفرح ونعمل أفراح وأعياد ميلاد بس من غير هيصه ومن غير ما نجرح ونراعي أخواتنا اللي بتموت طول الوقت، لأن إحنا اتعلمنا من زمان لما يبقى في عزاء عند جارنا مينفعش نعمل فرح، ربنا يردلنا فلسطين والمسجد الأقصى ردًا جميلًا وإحنا معاكم بقلوبكم.