أسما شريف منير: بقالي 12 يوم مسهرتش مع صحابي.. والنهاردة روحت مسجد صالح الجعفري صليت

كشفت المذيعة أسما شريف منير أنها قد توقفت عن الذهاب إلى السهرات الخاصة، واستبدالها بالصلاة، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات أسما شريف منير عبر إنستجرام

أسما شريف منير: أنا ضد أن السهرات تبقى محور حياتي

وكتبت أسما شريف منير خلال خاصية استوري: كل يوم أربع كنت بسهر مع صحابي وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مروحتش ودا بدأ بأني حاسة أني عمري ما هعرف أرقص وأهيص في الوقت الصعب دا وبعدين بقى إحساس ليه علاقة بيا أنا واختياراتي.

وتابعت: والنهاردة روحت مسجد صالح الجعفري صليت وروحت بعديها مقام الإمام الحسين صليت العشاء وكان إحساس في منتهى الهدوء والسكينة وقلبي كان متطمن وسعيد، وأنا راجعة البيت عديت جمب المكان اللي كنت بسهر فيه وقعدت أسبح لحد ما روحت وحسيت كأني طلعت الأولى على المدرسة، احساس كدا مليان قوة وانتصار على الشيطان وعلى نفسي، ودا مش عشان أنا ضد السهر، خالص بس أنا ضد أنها تبقى دي محور حياتي ويوم ثابت كدا، التوازن مهم في كل حاجة.

تصريحات أسما شريف منير عن الصلاة

وفي وقت سابق، أعلنت أسما شريف منير التزامها بالصلاة خلال الفترة الأخيرة، وذلك من خلال بث مباشر عبر حسابها الشخصي على موقع تبادل الصور والفيديوهات إنستجرام.

وقالت أسما شريف منير: بقالي 15 يوم ملتزمة في الصلاة والموضوع مريحني جد خاصة إني مبقتش أخرج كتير وده مخليني متلزمة أكتر وكل مرة ببقى كدة وبعدها الدنيا تلهيني لكن أنا بحاول ونفسي أفضل منتظمة لحد ما أموت.

نجلة أسما شريف منير تتطوع في الهلال الأحمر المصرى لمساعدة أهالي فلسطين

بالشال الفلسطيني.. أسما شريف منير تدعم أهالي غزة: لا أملك الا الدعاء

أسما شريف منير: بعد الصلاة حسيت إني مستعدة أموت عادي

وتابعت حديثها: بعد الصلاة حسيت إني مستعدة أموت عادي أنا كان نقصني حاجات كتير أوي ومكنتش عارفة هقف قدام ربنا ازاي، دلوقتي مش خايفة أنا حاسة اني عادي إن أموت في أي وقت.

واختتمت حديثها عن الصلاة قائلة: بحس اني هادية وربنا حاميني ومحدش يقدر يأذيني ونفسي أفضل مكملة.