نجلة أسما شريف منير تتطوع في الهلال الأحمر المصرى لمساعدة أهالي فلسطين

حرصت لارا ابنة أسما شريف منير وحفيدة النجم شريف منير، على المشاركة في جهود ودعم وتقديم المساعدات المصرية الإنسانية لأهل غزة من خلال  تطوعها و مساعدتها في الهلال الأحمر المصري.

تحيا مصر يرصد تطوع ابنة أسما شريف منير في الهلال الأحمر المصرى لمساعدة أهالي فلسطين. 

ابنة أسما شريف منير تتحدث باللغة الإنجليزية تضامنًا مع فلسطين 

وظهرت لارا في فيديو لها تتحدث به باللغة الإنجليزية عن فلسطين وحريتها.

على الصعيد الآخر، كان قال شريف منير خلال فيديو نشره عبر حسابه على موقع تبادل الصور والفيديوهات القصيرة إنستجرام عن حلاقة شعر ابنته أسما: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.

تصريحات شريف منير 

وتابع: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.

وأضاف شريف منير: قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.

أزمة حلاقة شعر أسما شريف منير

واستطرد: بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي.