ريم رؤوف: بجسد شخصية أطياف في حكاية روحي فيك.. ومازلنا في مرحلة التصوير

كشفت الفنانة ريم رؤوف عن تفاصيل شخصيتها في حكاية روحي فيك، التي من المقرر طرحها قريبًا عبر شاشة التلفزيون.

تحيا مصر يرصد تفاصيل تصريحات ريم رؤوف عن حكاية روحي فيك

وقالت ريم رؤوف في تصريحات خاصة لموقع تحيا مصر: الشخصية اسمها أطياف بتشتغل في القصر من زمان، ومش هقدر أقول حاجة عنها أكتر من كدا، واحنا حاليًا بنصور، وإن شاء الله هتبقى الحكاية الرابعة.

أبطال حكاية روحي فيك 

حكاية روحي فيك  مكونة من 10 حلقات، وتعرض على شاشة قناة ON من الأحد إلى الخميس على مدار أسبوعين، ويشارك في بطولة الحكاية كلا من محمد كيلانى، نور محمود، سمر مرسى، فراس سعيد، هلا السعيد، محمد عبد العظيم، ريم رؤوف وعدد آخر من الفنانين، والحكاية قصة وسيناريو وحوار أحمد عثمان وإخراج الأردنى محمد لطفى. 

دخول ريم رؤوف الوسط الفني

وسبق وأن كشفت ريم رؤوف عن تفاصيل دخولها الوسط الفني، وقالت في تصريحات خاصة لموقع تحيا مصر: مكنش مخطط ليه خالص، ومكنتش أعرف أنه عندي الموهبة، اللي حصل أن أنا كنت بشتغل في شركة إنتاج وكنت مديرة علاقات عامة لمدة 11 سنة وفجأة قررت أن أنا عايزة الاقي نفسي، روحت أخدت كورس غطس، وعملت تخييم، وبعدين بنتي هي اللي كانت عايزة تمثل، فاخدها وكالة كاستينج فقعدوا يقولولي حضرتك لازم تمثلي، ومن بعدها أخدت ورش تمثيل.

وعن ترشيحها لمسلسل عملة نادرة، قالت: السنة اللي فاتت عملت مشهد في مسلسل فاتن أمل حربي، وكنت تريند تويتر والناس كلها باركتلي وقالتلي مشهد حلو جدًا، وأستاذة نيللي كريم قالتلي أنتي عملتي مشهد حلو أوي وأثر فيا، ومن ساعتها لحد رمضان متواصلناش خالص، لغاية شهر 8 اللي فات لقيت أستاذ ماندو مرشحني لدور سميرة، فرحت جدًا وخوفت بس في نفس الوقت بحب التحدي.