خاص| ميار الببلاوي: ربنا يكون في عون رئيسنا..ربنا اختاره لينا في الوقت ده لأنه راجل عاقل

أشادت الإعلامية والفنانة ميار الببلاوي بالرئيس عبد الفتاح السيسي، داعية المولى عز وجل بأن يكون في عونه، معقبة: ربنا يكون في عون رئيسنا..ربنا اختاره لينا في الوقت ده لأنه راجل عاقل.

تحيا مصر يرصد إشادة ميار الببلاوي بالرئيس السيسي.

على الصعيد الآخر، كانت كشفت الفنانة والإعلامية ميار الببلاوي عن رأيها في حلاقة أسما شريف منير ابنة الفنان الكبير شريف منير لشعرها، وظهورها به خلال الدورة الثانية من مهرجان القاهرة للدراما.

رأي ميار الببلاوي في حلاقة أسما شريف منير لشعرها

وقالت الببلاوي في تصريح خاص لموقع تحيا مصر: أسما دي بنتي وبحبها جدًا كانت بتيجي مع أستاذ شريف وهي صغيرة هادية وبتتكسف.. أنا مش عارفة ايه العلاقة بين حلاقة الشعر بالصحة النفسية.

تصريحات ميار الببلاوي 

وتابعت: زينة الرجل لحيته وزينة المرأة شعرها ولعن الله المتشبهين بالراجل فهمي من المنظور الشرعي غلط وأنا مش معاها، لما بيبقى في ظروف قهرية مثلًا وواحدة عندها سرطان بيبقى مسموح اه حلاقة شعرها وبنشفق عليها.

ميار الببلاوي تنتقد أسما شريف منير 

وأضافت: أنا محبتش شكل شعرها ولا أن الدريس مفتوح كده وكل ما المرأة تبقى متغطية جمالها بيزيد واعتقد أنا أسما في حالة نفسية مش مظبوطه، كل الليلة دي مش عاجبني فيها غير رد فعل الأستاذ شريف منير بأنه ضهر وسند وأنه مش هيرضي حد على حساب بنته.. أنا احترمته أكتر ما بحترمه.

واستطردت: أنا لو بنتي عملت كده هزعل، مرة واحدة بس قصيت شعري وأنا في الجامعة خدت علقة وخدوا مني مفاتيح عربيتي وماما تعبت بسبب الموضوع والحالة الوحيدة اللي احنا كصعايدة نحلق فيها شعرنا زي أسما هي لما الأخ أو الزوج أو الابن يموت.