ثراء جبيل: ياريت اللي عند معبر رفح يملوا العربيات قوارير ماية ضروري.. عايزين يشربوا جوا

نشرت الفنانة ثراء جبيل نداء استغاثة للموجودين في مدينة رفح، مشيرة إلى المواطنين بضرورة تحميل شاحنات مياه لإيصالها إلى غزة وذلك بعدما ساءت حالتهم هناك معلنين انتهاء المياه في غزة.

تحيا مصر يرصد في ذلك التقرير تصريحات ثراء جبيل عن المواطنين في غزة

ثراء جبيل والمواطنين في غزة

وكتبت ثراء جبيل في نداء الاستغاثة: لو فيه حد يعرف ناس عند المعبر أو اي جمعيات من اللي من مستنين هناك يقولهم أن الناس جوا محتاجين مياه أكتر من الأكل حتى يملوا العربيات قوارير ميا ضروري، صحبتي جوا بتقول مفيش مياه عايزين يشربوا ضروري ضروري.

وسبق وكتبت ثراء جبيل عبر حسابها الرسمي بموقع تبادل الصور والفيديوهات انستجرام: بنشرك المستمر للأحداث أنت لا تنشر الطاقة السلبية، انت تنشر الحقيقة، أنت لست انسان كئيب، انت إنسان تساعد في إيقاف الإبادة الجماعية، لا تتوقف كل صوت يحدث فارق.

نجوم الفن يدعمون فلسطين

يذكر، أنه حرص عدد كبير من نجوم الفن على دعم فلسطين حيث قالت حنان مطاوع في فيديو عبر موقع انستجرام: "من ساعة ما صحينا على اللي بيحصل مع أطفالنا وأهلينا في غزة وأنا مش عارفة أقول إيه المصاب جلل وبيصغر قدامه أي منطق وبيعجز العقل أنه يحلل اللي بيحصل ده لأنه برا حدود الإنسانية والرحمة، هتسألني كلام زي ده أو وقفة نقفها ممكن تغير أي حاجة، هرجع أقولك أه لأن العدو مش بس بيحاول يبيد شعب لن يباد أبدا بأمر الله وبإرادته الحرة الباسلة القوية، لأ دا كمان ابتدى يقرب على حدودنا ابتدى يتكلم عن سيناء ... تاني رجع يتكلم عن سيناء".

وتابعت: "سيناء مش حل مطروح، سيناء مش مجرد أرض مصرية سيناء دفعنا فيها آلاف الشهداء علشان تنال حريتها ومستعدين ندفع أكتر كمان، سيناء الحلم التاريخي السخيف المجنون للعدو، عشان كده محتاجين كلنا نتضامن ونظهر للعالم كله إننا رافضين الأفعال الوحشية اللي بيقوم بيها إسرائيل ضد فلسطين الحبيبة الباسلة وكمان إننا نقول لهم أننا اخترنا الكرامة والسيادة الكاملة على أراضينا"