خاص| دعاء حلمي: في زمن الفتن نلزم بيتنا ورجالتنا مبتموتش غير على أرضنا

ردت الناقدة الفنية دعاء حلمي على فيديو النجم محمد رمضان الأخير، مستنكرة ما قاله، قائلى: ظروف البلد متستوعبش حرب والرسول قال في زمن الفتن نلزم بيتنا ورجالتنا مبتموتش غير على أرضنا.

تحيا مصر يرصد رد دعاء حلمي على فيديو محمد رمضان.

بدايات محمد رمضان الفنية

على الصعيد الآخر، كان قال محمد رمضان عن بداياته: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وتابع محمد رمضان: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

وأضاف الفنان محمد رمضان: وأبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي، وحي القصبجي اللي اتولدت فيه كان 8 بيوت في المربع السكني وحوالينا زراعة، كانت منطقة ريفية بنسبة 70% وشعبية 30%.

تصريحات محمد رمضان 

واستطرد محمد رمضان: كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل أن لو مشيت في نفس الطريق اللي قدامي هوصل للهرم.

قصة محمد رمضان مع الأهرامات

 
وأردف الفنان المصري محمد رمضان: صحيت تاني يوم كأني رايح المدرسة ومعرفتش أوصل للهرم، والمشوار ده عمري ما هنساه والكلاب تجري ورايا وأقع في الطينة، وأمي راحت تسأل عليا في المدرسة مش لاقياني والمغرب أذن، رجعت البيت اتضربت علقة جامدة جدًا من أمي.