محمد هنيدي: مفجع انك تشوف أطفال بريئة بتكتب وصيتها عشان حاسة بقرب الموت

أعرب الفنان محمد هنيدي عن شدة حزنه بالأزمة التي مرت بها فلسطين في الساعات القليلة الماضية، وذلك بعد قصف الاحتلال الإسرائيلي لمستشفى المعمداني وسقوط العديد من الضحايا الأطفال ووفات الألاف منهم.

تحيا مصر يرصد في ذلك التقرير تعليق محمد هنيدي على الأزمة الفلسطينية 

محمد هنيدي يدعم فلسطين بكلمات مؤثرة 

كتب محمد هنيدي عبر حسابه الرسمي بموقع التواصل الاجتماعي "فيسبوك": مشاهد مفجعة  انك تشوف أطفال بريئة بتكتب وصيتها عشان حاسه بقرب الموت وشايفاه، انك تشوف طفل لا يتعدى ١٠ سنين بيلقن صديقه الشهادة قبل ماتطلع روحه للخالق، انك تشوف الطبيب اللي بيداوي شهيد او جريح على وشك الموت بسبب ان الطبيب نفسه اللي بيعالج مات.

محمد هنيدي: تشير أي حاجة بتحصل في غزة لا تقل أهمية عن أي نضال حقيقي

وسبق وكتب محمد هنيدي: الحرب الإعلامية والتضامن وأنك تشير وتنشر عن اللي بيحصل في أهالي غزة.. لا يقل أهمية عن أي نضال حقيقي، العدو بيحاول يكسب تعاطف العالم بالأخبار المزيفة ودعم الصحافة العالمية الغربية المأجورة له.. أكتر حاجة بيخاف منها العدو أنه يظهر على حقيقته قدام العالم.

وتابع: عشان كدة اللايك والشير اللي ممكن تسهتزء بيهم مهمين جدا جدا جدا.. الكلمة مهمة جدا جدا في كل مكان في صفحاتهم اللي بيزيفوا بيها الحقيقة.. ومنصاتهم ومواقع السوشيال اللي بتحاول تمنع الحقيقة من الظهور بكل طريقة وبكل شكل حتى لو كان تضامن بسيط بتعاطف ونشر الحقيقة.

نجوم الفن يدعمون فلسطين بعد قصف مستشفى المعمداني

وحرص عدد كبير من نجوم الفن على الاعراب عن غضبهم عما حدث في الأزمة الفلسطينية، حيث قالت منة فضالي: يعني الفيس بوك وتويتر وإنستجرام أما الواحد يتكلم في الحق يعملوا حظر، ولما نفرفش ونحط صورنا ونهزر يبقى تمام، أنا مش فاهمة الناس دي مخلوقة من إيه، أطفال أبرياء ومدنيين ملهمش ذنب ومستشفى وأطباء، جنسكم إيه، حسبي الله ونعم الوكيل، كل دا علشان إيه أنتم قتلة ومجرمين، ربنا يلعنكم في الأرض وفي السماء، قصف المستشفى جريمة ضد الإنسانية، هجوم إرهابي.

في حين قال عمر كمال: أنا مبشاركش غير ببوستات أو برأي من وقت الأزمة على صفحتي وبفضل أكون بعيد لحد ما الأزمة تعدي عشان في ناس أهم مني 100 مرة ممكن تتكلم في اللي بيحصل ده وتقول رأيها، إسرائيل مينفعش معاها غير الحرب هتتبرع بدمك بكره هي هتوقع 100 شهيد ودمك ملوش أي لازمة، هتتبرع زي محمد صلاح هتوقع بيوت وهدمر غزة، هتكتب رأيك في بوست هتقاطع مطاعم كل ده مينفعش مع إسرائيل عشان هما بينفذوا وبس.

واختتم عمر كمال حديثه، قائلًا: لازم نتوحد كعرب ونجهز جيش قوي ويخشوا الحرب زي ما عمل محمد أنور السادات، الحل في الحرب من الآخر، والناس بتموت ومش هنقعد نعمل أغاني ونصوت.