ندى عفيفي عن أزمتها مع لوسي: هحصل على رد اعتباري الفني والأدبي قريب

خرجت الفنانة ندى عفيفي للحديث عن الأزمة التي وقعت بينها وبين الفنانة لوسي خلال عرض مسرحية الحفيد على المسرح القومي، مشيرة إلى أنها ستحصل على رد اعتبارها الفني والأدبي قريبًا.

تحيا مصر يرصد تصريحات ندى عفيفي. 

تصريحات ندى عفيفي

وكتبت ندى عفيفي عبر حسابها الشخصي على موقع التواصل الاجتماعي فيس بوك: سنة وشهر و18 يوما من يوم الواقعة وأنا أنتظر عدل ربنا ودايما كنت واثقة وعندي يقين بالله، ناس سابتني وناس وقفت جمبي وناس هاجمتني وناس كسرت أملي وناس ساندتني ودعمتني بكل قوة، أحداث كتير وتفاصيل كتير، تعبت وأحبطت واتكسرت لكن دايما ملجأي هو حبيبي ربنا، قريبا بأمر من الله، دعواتكم في اللي جاي ورد الاعتبار الفني والأدبي.

أزمة ندى عفيفي ولوسي 

وسبق وقالت ندى عفيفي في تصريح خاص لموقع تحيا مصر أنها لم يحدث معاها من قبل هذا التجاوز مثلما حدث لها من قبل الفنانة لوسي في العرض.

وقالت ندى: عمري  ما حصلي ده مع اي فنان إذا كان كبير أو صغير أنا دايما بحترم شغلي وبحترم الفنانين اللي شغالين معايا مهما كان سنهم ومهم كان  تاريخهم الفني وهما بيبادلوني الاحترام مش معقول هحترم حد وهو يهيني.

وتابعت: مشاكل الاستاذه لوسي كانت معانا كلنا مش أنا بس حتى الأطفال والمشكلة عندها هي ولو انا بس اللي عامله المشكلة هشك في نفسي ولو للحظه لكن التجاوزات تليها تجاوزات.

واستكملت: احنا كلنا بقى عندنا ضرر نفسي وكلنا عندنا نفس القضية وبنطالب انها تمشي واحنا نكمل العرض لاي فنانة تانيه حبًا في العرض.

ندى عفيفي تكشف عن ندمها بالعمل مع لوسي

واضافت: ندمت اني اشتغلت معاها لأني كنت بحبها وفي اعمال عملتها كلنا حبناها وندمي  الوحيد إنسانيًا ومش فنيًا لإني كان نفسي تفضل صورتها في خيالي زي ما كنت بحبها.

وتابعت: كل الكاست كان بيحبها وكانوا بيقوله هنشتغل مع استاذه لولسي لأننا شوفنا مسلسلها العظيم ارابيسك وان تتجسد قدامي شخصية كنت بحبها زمان ده كان هيبقى شيء عظيم لكن ندمنا اننا مبقتش بنحبها وده غصب عننا.

واختتما ندى حديثها قائلة: انا مش عارفه هي ليه كانت بتعمل معانا كده هل عشان هي فنانه كبيره او ضغوط مش لاقيه سبب واضح ونفسي يبقى عندها مبررات فعاليه وحقيقية وتتكلم وتقول انا عملت ده عشان  السبب كذا ونقدر نتناقش لكن ان الموضوع يوصل للسب والضرب مفيهاش مناقشه وده مستوى مرفوض من التعامل.