حاتم صلاح: عايش مع كلابي برضعهم وبيناموا جنبي على السرير.. واتعرضت لإهانات كتير في بدايتي

حل الفنان حاتم صلاح ضيف على برنامج في العمق، والذي يقدمه الفنان تامر شتلوت عبر حسابه الرسمي بموقع التواصل الاجتماعي فيسبوك، حيث صرح من خلاله العديد من التصريحات الهامة والمؤثرة.

تحيا مصر في ذلك التقرير تصريحات حاتم صلاح في برنامج في العمق 

حاتم صلاح يكشف سر عدم زواجه حتى الآن

تحدث حاتم صلاح عن سر عدم زواجه حتى الآن، فقال: أنا عبارة عن مشروع، محتاج حد يا يكبر المشروع يا يهده،حبيت في الجامعة وبعدها اضطريت اني اشتغل حاجات تانية غير الفن، لكن مستحملتش، فسيبنا بعض، أنا حاليًا ممكن أتجوز بس مبقاش عندي خُلق أتكلم في التلفون وأخرج.

حاتم صلاح: الكلاب علموني الرحمة وبيناموا جنبي على السرير

وأضاف حاتم صلاح: أنا عايش مع الكلاب، علموني الرحمة والتسامح، عندي كلبتين بيناموا جمبي على السرير، وفي واحدة منهم أخدتها معايا المسرح، كان عندي كلاب كتير بيتجوزوا ويخلفوا، وكنت بضطر أنضف البيت بشكل كبير بسببهم، وكنت لازم أرضع الكلاب الصغيرة منهم كل ساعتين.

حاتم صلاح يكشف معاناته مع الوسط الفني 

وتحدث حاتم صلاح عن بدايته في الوسط الفني، فقال: مريت بصعوبات كتير منها مرة منتج فني عايز يعملي عقد عمل برقم أقل، فلما أتكلمنا قال ما أحنا هنأكله كمان، وفي مسلسل تاني مشيت منه، رغم أنه كان فرصة مهمة بالنسبة لي، لأني مكنتش عارف أخد الورق كامل، بيدوني المشاهد قبل التصوير، ومكنوش عايزين يفهموني أن دوري كبير عشان الفلوس، وصلت لدرجة أنهم بيخبوا الورق في التلاجة.

وأضاف: أشتغفل بمجهودي وبعت حاجات كتير، أفضل ما أروح أستلف فلوس، عشان محدش يهني، مكنش عندي حاجة أخسرها ومكنتش عايز حد يقولي كلمة تضايقني حتى من أهلي.

يذكر، أنه يعرض لحاتم صباح خلال الفترة الحالية مسلسل على باب العمارة والذي يشارك في بطولته إلى جانب كلا من النجوم آية سماحة، محمد محمود، محمد رضوان، عزة لبيب، ريهام الشنواني، ومحمد عبد العظيم، ويعد العمل من تأليف مصطفى حمدي، وإخراج خيري سالم.