طليقة تامر عاشور تثير الجدل: انتظروني في الأيام الجاية بمفاجأة هتعجبكم أوي

شاركت سمر أبو شقة، طليقة المطرب تامر عاشور فيديو عبر حسابها الرسمي بموقع تبادل الصور والفيديوهات انستجرام تشوق من خلاله متابعيها لمفاجأة من المقرر أن تعلن عنها خلال الأيام القليلة المقبلة.

تحيا مصر يرصد في ذلك التقرير تصريحات سمر أبو شقة للجمهور بعد زواج تامر عاشور من نانسي نور

سمر أبو شقة تشوق الجمهور 

وقالت سمر أبو شقة في الفيديو التي شاركته عبر موقع انستجرام: إزيكم عاملين إيه يارب تكونوا بألف خير، أنا طالعة علشان أقولكم حاجة مهمة جدًا استنوني إن شاء الله الأيام اللي جاية هتشوفوا مفاجأة حلوة أوي، وأنا متأكدة إنها هتعجبكم إن شاء الله.

وعلقت على الفيديو، قائلة: تفتكروا اي هي المفاجأة؟

احتفال تامر عاشور بزفافه

ويذكر، أنه احتفل الفنان تامر عاشور بحفل زفافه على الإعلامية نانسي نور في يوم الثلاثاء المنقضي وذلك بحضور نخبة من نجوم الفن والإعلام والذي من بينهم الفنان محمد حماقي، شيماء سيف، خالد عليش، هيثم شاكر، رامي جمال، عزيز الشافعي، منى الشاذلي.

علاقة تامر عاشور بـ سمر أبو شقة

يذكر، أنه تزوج تامر عاشور من سمر أبو شقة في عام 2017 ولكن بعد شهر من الزواج أعلن الثنائي انفصالهم بسبب عدم وجود تفاهم فيما بينهم، وعاد الثنائي في عام 2018 حيث ظهرا سويا في فرح الفنانة شيماء سيف، وبدأت علاقتهما تتحسن حتى أنجبوا ابنتهما الوحيدة.

وكانت زوجة تامر عاشور أوضحت أن الازمة بينها وبين الفنان مستمرة منذ فترة، مشيرة إلى أنها تريد الطلاق وتصر عليه، فقالت: أنا وتامر هنفضل نحترم بعض لأن فيه بينا عشرة وفيه بينا بنتنا أيام اللي هتفضل رابط بينا طول العمر.. واللي أهم ليا أنها إن شاء الله تكبر متلاقيش أي حاجة تضايقها وتلاقي كل هدوء.

وأكدت:  الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقي حد مشهور، إحنا آه منفصلين مش مطلقين ولا اطلقنا، ومرينا بمشاكل زي أي ناس طبيعية.. اتفقنا أو اختلفنا بتحصل يعني وبغض النظر عن مين غلط في حق مين وازاي،  ولكن مهما حصل مفيش حد هيقبل أن يحصل تجريح للتاني في اللي جاي.