نجل محمد ثروت: كنت بزحف عشان أدخل الحمام.. ولو مكنتش همشي تاني أنا راضي

كشف المخرج أحمد محمد ثروت، نجل محمد ثروت، عن كواليس رحلة مرضه المؤلمة، وذلك خلال لقاء له ببرنامج معكم منى الشاذلي.

تحيا مصر يرصد تفاصيل مرض نجل محمد ثروت

تفاصيل مرض نجل محمد ثروت

وقال نجل محمد ثروت: لو مكنتش همشي تاني أنا راضي، المرحلة من صحيانك من النوم إلى دخولك الحمام إلى لبس دي يا نهار أبيض، عشان أنزل من على الكرسي المتحرك كنت بصحى 7 صباحا عشان أنزل 10 الصبح، ومنى الشاذلي مسابتنيش لحظة.

وتابع: كنت رافض أن حد يدخلني الحمام بالرغم أني مكنش عندي قدرة على المشي، وكنت بنزل من الكرسي على الأرض وبالزحف على الأرض أخش على التواليت.

نجل محمد ثروت: تجربتي مع المرض اختصاص مش ابتلاء

وفي الحلقة ذاتها، كشف المخرج أحمد محمد ثروت، نجل محمد ثروت، تفاصيل مرضه المناعي النادر، الذي أصيب به منذ فترة.

وقال نجل محمد ثروت: أخر خمس سنين تحولت إلى روبوت، فربنا حب يعرفني كلمة الله أكبر، الواحد لما بيحس أنه بلغ من النجاح شيء أو بلغ من المعرفة.. فقدت حاجات كتيرة وتحولت إلى ماكينة في الشغل، أنا بتنفس شغل، والأولاويات كانت داخلة فوق بعضها وكنت بالتلاتين يوم برا البيت.

نجل محمد ثروت: في ظرف 30 دقيقة كنت فاقد للحركة

وتابع: تجربتي مع المرض اختصاص مش ابتلاء.. كنت خلصت شغل ورجعت، كنا قبل رمضان بعمل بريزنتيشن لعميل وواقف لقيت نفسي كحيت نقطة دم، وخدت الموضوع بهزار، وجيت امشي على الأرض لقيت أني زي ما أكون ماشي على سنفج أو جل، مفيش اتزان، ومكنش معايا حد اليومين دا.

واضاف: وفي ظرف 30 دقيقة كنت فاقد للحركة، وكنت سايق العربية ببص لقيت عيني الشمال قفلت، ومبقاش فيه اتزان خالص، دخلت المستشفى اتبعوا الإجراءات والفحوصات، لكن لسوء حظي كان المرض نادر ومتمش تشخيصي بالتحديد كمريض مناعة، وأول حاجة قالوا جلطة.