خالد داغر عن مهرجان الموسيقى العربية: هيبقى فيه حفلات في أماكن أثرية السنة القادمة

تحدث خالد داغر، رئيس دار الأوبرا المصرية عن حفل مهرجان الموسيقى العربية وذلك في دورته الجديدة الـ 32 والتي تقام في دار الأوبرا المصرية، وعن خطته لتطوير الحفلات خلال الفترة المقبلة.

تحيا مصر يرصد في ذلك التقرير تصريحات خالد داغر في المؤتمر الصحفي لـ مهرجان الموسيقى العربية

خالد داغر: السنة الجاية هيبقى في حفلات في مناطق أثرية 

قال خالد داغر خلال المؤتمر الصحفي لـ مهرجان الموسيقى العربية بدورته الـ 32: إن شاء الله بوجود رعاة زي تذكرتي والمتحدة السنة اللي جاية هيبقى فيه حفلات في مناطق أثرية.. وفي دار الأوبرا وصلنا أجهزة حديثة وفيه تجديد للصوت وإن شاء الله نقدم صوت كويس، وفي مهرجان القلعة السنادي الصوت كان مختلف عن كل سنة وبنحاول نحسن

واستكمل حديثه: أسعار التذاكر زي السنة اللي فاتت ما عدا حفلة أنغام في زيادة بسيطة، وفيه بعض الحفلات قلت سعرها كمان.

هاني فرحات عن مهرجان الموسيقى العربية: دورة استثنائية في ظروف صعبة

وتحدث هاني فرحات خلال المؤتمر هو الأخر عن الدورة الجديدة من مهرجان الموسيقى العربية، فقال:  فيه أساسيات للمهرجان منقدرش نتخطاها.. فيه نجوم الأوبرا وأتمنى يظهروا للناس بشكل مختلف، حاولنا في ظل ظروف استثنائية صعبة مش على مصر بس دا على العالم كله، احنا بنعمل مهرجان في ظروف صعبة، وحاولنا نتعامل بالعلاقات الشخصية عشان نقنع المطربين يغنوا في المهرجان.

وعن نجوم هذه الدورة، قال هاني فرحات: أنغام رجوعها للمهرجان بعد سنين كتيرة، وحمزة نمرة وآدم لأول مرة في المهرجان إضافة عظيمة.. وفيه كواليس مقدرش أقولها في التواصل مع الفنانين،  احنا بنعمل الدورة دي في أصعب ظروف في التاريخ، وشكرا كل كم التنازلات العظيمة اللي المطربين تنازلوها عشان يجوا يشاركوا في المهرجان.

هاني فرحات: فننا في خطر ولازم نناقش المشاكل عشان نحافظ على هويتنا

واستكمل هاني فرحات حديثه: احنا فننا في خطر ودور المؤتمر العلمي هيناقش المشاكل دي ونوع الشعبي والراب، وهنطلع بحلول واضحة عشان نحافظ على هويتنا وفنونا من الهجمات على الفن، وحاولنا السنادي نقدم جميع أنواع الفنون