زينة تشارك جمهورها صورًا من كواليس فيلم الإسكندراني للمخرج خالد يوسف

شاركت الفنانة المصرية زينة جمهورها كواليس تصوير فيلمها الجديد الإسكندراني للمخرج خالد يوسف، والمقرر طرحه خلال الفترة المقبلة.

تحيا مصر يرصد مشاركة زينة كواليس تصوير فيلم الإسكندراني.

مشاركة زينة كواليس تصوير فيلم الإسكندراني

وقالت زينة عن العمل: دي أشقى بنت ممكن تشوفيها في حياتك، اسمها قمر، وهي بنت إسكندرانية جدعة وبتاعت حق أوي، وبتقف دايما جمب الناس المظلومة، وبتعيش حياة ظلمة بس بتكافح وبتعيش زي أي ست مصرية.

وتابعت: مبسوطة من التعاون مع كل الممثلين في الفيلم، أستاذ حسين فهمي دا بموت فيه واحنا أصدقاء جدا، وأول ما اشتغلت اشتغلت معاه، كان عندي 17.

زينة ضيفة حبر سري

من جانبه، قالت الفنانة زينة خلال حلولها ضيفة على نامج حبر سري: “لا يمكن مقارنة الأموال بالمشاعر في أي شيء وأنا أتعامل مع عائلتي بالمشاعر وليس الأموال، الحياة ترتبط بالفلوس، وأنا مش عايزة أتجوز وفكرة الزواج بالنسبة لي مرفوضة بشكل تام، لو اللي هيتقدملي فقير أنا معنديش مشكلة لكن الكلام ده لو فكرت في الموضوع لكن الزواج موضوع مقفول بالنسبة لي.”

لقاء زينة مع أسما إبراهيم

وتحدثت الفنانة زينة عن الكذب قائلة : “أكره الكذب ولو وجدته في أي شخص يسقط من نظري، ومش بشوف الرجل الندل، وأنا شخصيتي قوية ومن يقف امامي يرتبك وبيخاف يعترف بأي شيء، لما بتعصب بكون واحدة تانية وبخوف، عمري ما شفت في حياتي رجالة بخيلة ووالدي كان رجلا كريماً، للأسف اشتغلت كتير في أعمال عشان الفلوس، واشتغلت فيلم مع إلهام شاهين بدون أموال.

ودخلت زينة في نوبة بكاء على الهواء اثناء حديثها عن والدها المتوفي، قائلة:" والدي كان راضي عني قبل وفاته بشكل كبير.. ربنا يرحمه ".

وتابعت زينة باكية:" أكتر حاجة بفتكرها من والدي ضحكته، ولو فيه ملايكة على الأرض هقول أبويا ده ملاك مش بني آدم ".

وأكملت زينة:"  والدي كان حنين وطيب وأنا تعبت أوي بعد وفاته، ومفيش حد زي الأب".