بعنوان الفرعون الصغير الكبير.. ياسمين عز تعلن مسابقة بـ 100 ألف جنية

أعلنت الإعلامية ياسمين عز، عن مسابقتها بعنوان الفرعون الصغير الكبير، يربح من خلالها شخصان 100 ألف جنية.

تحيا مصر يرصد تفاصيل مسابقة ياسمين عز.

تفاصيل مسابقة ياسمين عز

وكتبت ياسمين عز عبر حسابها الشخصي بموقع التواصل الاجتماعي، فيسبوك: هذه المسابقة خاصة فقط بالفرعون الصغير الكبير من مختلف الأعمار.. المدامات يمتنعون ولن يتم النظر لإجاباتهم!، ‏‎وبمناسبة انتهاء الإجازة وعودة الفرعون لأشغال الحياة، فكرت أفرح الفرعون واعمل له مسابقة على الصفحة هنا، والجائزة قيمتها مائة ألف جنيه 100 ألف جنيه.

وتابعت: المسابقة سهلة جدا ومش محتاجة إبداع لأن أي إجابة من الفرعون هي إبداع في حد ذاتها، ‎المسابقة هي، أكمل الجملة التالية: الفرعون الصغير الكبير لما يحب..؟.

برنامج كلام الناس للإعلامية ياسمين عز 

وكانت قالت ياسمين عز خلال برنامجها كلام الناس: قدمنا مزايا الزواج من الدكتور والمهندس وموظف البنك، بعدها جت لينا رسائل كتير من حبايبنا، واتقال لنا هو إحنا مالناش نفس تتكلمي عننا في حلقة ولا إيه، في الأول كنت لسه بشوف الوضع إيه، وطبعًا عندكم حق وليكم حق، وهنبدأ نتكلم عن ده، ده أنا لو ما اتكلمتش عنك هتكلم عن مين.

تصريحات ياسمين عز 

وتابعت: يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة.

وأضافت: هقول لك على ميزة رهيبة في المهندسة وهي أن حواجبها الاتنين قد بعض بالظبط والبنت المهندسة بتتعرف من حواجبها لأنهم بيكونوا مظبوطين وقد بعض بالملي في شكل متناسق انبهاري ويسر الناظرين.

واستطردت: لما ترتبط بمهندسة هدومك هتكون منظمة جدًا، والمشكلة بتاعة فين فردة الشراب مش موجودة عند الست المهندسة الفردتين مع بعض أيا كان لونهم إيه، والمفاجأة إن البنت اللي بتدرس هندسة حرفية بلاي ستيشن، لأن حياتها كلها كباري وتشميس وتكعيب وعرض وطول ومش بعيد تشيلك اسكور.