أحمد حلمي يتحدث عن والده بكلمات مؤثرة: ملحقتش أشبع منه وحسيت اني عاجز في فترة مرضه

حرص الفنان أحمد حلمي خلال حلوله ضيفا على برنامج AB talks، والذي يقدمه الإعلامي أنس بوخش على قناته بموقع الفيديوهات الشهير يوتيوب، وفجر من خلاله تصريحات مؤثرة عن والده.

تحيا مصر يرصد في ذلك التقرير تصريحات أحمد فهمي مع أنس بوخش

أحمد حلمي: فاكر أما أبوياض ضربني بالقلم ولسة معلمة في نفسيتي لحد دلوقتي 

قال أحمد حلمي عن أكثر اللحظات المؤثرة في طفولته، فقال: فاكر لما ببايا ضربني بالقلم دي كانت لحظة مؤثرة، كما خالي كان بيربي حمام وأنواع غالية وانا دخلت وفتحت البلكونة وطيرت الحمام وراح خالي اشتكى لوالدي وانا ببايا كان ممكن يجي على نفسه علشان الناس، وانا كذبت على والدي وقلت أن اخويا هو اللي طير الحمام وطبعا اتعرف اني كداب وضربني واتصدمت لأنه ضربني وكانت المفارقة أن الحمام طلع بيرجع تاني للبيت وبسبب دة عرفت أن في مواقف الطفل مش بينساها وانها بتعلم في نفسية الطفل وانك ممكن تجرح ابنك بدون وعي.

أحمد حلمي: أبويا مات وملحقتش أشبع منه وحسيت اني عاجز في مرضه 

وتابع حديثه، كاشفًا عن علاقته بوالده، فقال: أبويا مات وملحقتش اشبع منه واعيش معاه مرحلة الصداقة كنت لسة متخرج من الجامعة وانا كنت عايش في القاهرة واهلي في بنها وخلال طفولتي كنا في السعودية ومكنتش مدرك اني لازم اشبع من اهلي وانا ملحقتش اشبع منه وهو كان مريض ودي من اللحظات الصعبة اني احس اني عاجز ومش قادر اعمل حاجة لحد.

واستكمل حديثه: أنا فاكر مرة وهو في العناية وكنت لوحدي وهو فاق وشاورلي بصباعه في إشارة لربنا وكما مرة عمل عملية قلب مفتوح وكان المفروض العملية تستمر 6 ساعات لكن خرج بعد 3 ساعات فقط وخرج كويس هو توفى بسبب السرطان.

أحمد حلمي: بحلم بوالدي كتير وبتبسط أما بشوفه في الحلم

وأكد: أنا بحلم بيه كتير وببقى عارف أن معظمها رسايل ومش من عقلي الباطن لأن قبلها مكنتش بفكر فيه لكن بحلم بيه فجأة وفي احلام كان بيزعقلي فيها ولما سألت حد بيفهم في الأحلام كان بيطلع التفسير عكس ما كنت أنا متخيل وببقى سعيد لما بشوفه في الحلم.

آخر أعمال أحمد حلمي

يذكر، أن اخر أعمال أحمد حلمي مشاركته في مسرحية ميمو إلى جانب كل من النجوم هنا الزاهد، أحمد رزق، حمدي المرغني، محمد رضوان، رحمة أحمد، نور إيهاب، إنتاج كرافت ميديا، تأليف ضياء محمد، إخراج هشام عطوة.

والمسرحية عُرضت خلال شهر فبراير الماضي بموسم الرياض، وحرص على حضورها عدد كبير من النجوم، وأشاد بها عدد كبير من النقاد والإعلاميين في المملكة، خاصة وأن المسرحية أعادت حلمي إلى المسرح بعد غياب 20 عاما، إذ كان أخر أعماله حكيم عيون مع النجم الراحل علاء ولي الدين، والنجم كريم عبدالعزيز.