مكنتش عايزة أتكلم ومركزة في شغلي بس.. أول تعليق من خطيبة محمد رشاد عن انفصالهم

خرجت الدكتورة غادة فتحي لأول مرة لتكشف سبب انفصالها عن المطرب محمد رشاد، خاصة بعدما احتفظت بصورهم معًا بعد إعلان الأخير انفصالهما، الأمر الذي أثار تساؤلات الجمهور.

تحيا مصر يرصد في ذلك التقرير أول تعليق من غادة فتحي على انفصالها عن محمد رشاد

غادة فتحي بعد انفصالها عن محمد رشاد: مركزة إني انجح

وقالت غادة فتحي في فيديو نشرته عبر حسابها الرسمي بموقع تبادل الصور والفيديوهات انستجرام: أنا مكنتش عايزة أطلع أتكلم في الموضوع بس سمعت نصيحة اللي حواليا، مش معنى إن حد فينا صرح بالانفصال يبقى هو اللي سايب التاني الكلام ده مش صحيح نهائي والموضوع تم باتفاق بينا .

وتابعت حديثها، قائلة: الناس اللي عمالة تسأل ليه محذفتش الصور اللي بتجمعني بمحمد رشاد،أنا  معنديش دقيقة فاضية أنا نفسي أنام مش لاقية وقت ومركزة في شغلي ومستقبلي واني أكمل طريقي وأنجح.

محمد رشاد يعلن انفصاله عن غادة فتحي

وكان قد أعلن محمد رشاد انفصاله عن غادة فتحي، فكتب عبر خاصية ستوري بموقع انستجرام: القسمة والنصيب جمعتنا في حياة بعض لسبب إني أعرف إنسانة بنت أصول وناس طيبين ومحترمين وتبقي معايا في طريقي بتنصحني وتفكري في حاجات كتير فرقت في حياتي وشخصيتي، مكنتش اتمني يحصل بينا انفصال ونكمل الطريق سوا بس ده مش معنا أننا نخسر بعض كأصدقاء بيخافوا على مصلحة بعض لأني مقبلتش إنسانة راقية وطيبة وبنت أصول وبيحب الناس زيك.

واختتم حديثه قائلا: "هتفضل في مكان مميز وغالية عندي" يابنت الأصول وبتمني من كل قلبي ربنا يكتبلك كل الخير والنجاح في كل خطوة".

مي حلمي: الناس مش بتتعلم من تجارب غيرها  

وخرجت مي حلمي وعلقت على هذا الانفصال وكتبت عبر خاصية ستوري بموقع تبادل الصور والفيديوهات انستجرام: الراجل اللي يمد ايده على واحدة ست لا ثقة فيه ولا في حكيه.. الناس مش بتتعلم من تجارب غيرها.