وزير التموين للرئيس السيسي: أنا مسئول قدام حضرتك الأسعار هتنزل

وجه الرئيس عبد الفتاح السيسي خلال فاعليات اليوم الثانى لجلسات مؤتمر " حكاية وطن بين الرؤية والإنجاز"، المنعقد بالعاصمة الإدارية الجديدة سؤالًا للدكتور على المصيلحى وزير التموين والتجارة الداخلية قائلًا:"الناس بتقول إنه الدكتور على  وزير التموين مش مسيطر على أسعار السلع فى السوق، أرجو إنك ترد؟".

تحيا مصر

وأجاب وزير التموين:"ده من تأثير السوشيال ميديا ومواقع التواصل الاجتماعى بيكتبوا أسعار ما أنزل الله بها من سلطان، صحيح هناك اختلافات فى الأسعار، ولما سعر البصل زاد أخدنا قرار بمنع تصدير البصل، والنهارده البصل ابتدى ينزل، وأنا مسئول قدام حضرتك وقدام المجتمع الأرز هيبتدى ينزل".

مؤتمر حكاية وطن

وتابع الرئيس عبد الفتاح السيسي: “احنا مش هنسيب أهالينا اللي ظروفهم صعبة وعملنا لهم 300 ألف شقة بـ 85 مليار جنيه وفرشنا الوحدات دي ".

وأضاف "السيسي": "أهد بلد فيها 100 مليون أو 105 مليون بمليار جنيه، يعني 30 مليون دولار، فيه ناس بتصرفهم في حفلة! يبقى لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول".

جلسات مؤتمر حكاية وطن

وجاء فى المؤتمر أمس السبت فى يومه الأول جلسات مهمة تركز على محاور الاقتصاد، ويشارك فيها كبار الوزراء، حيث حضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتناولت هذه الجلسات سياسات وبرامج الحكومة في دعم الاقتصاد المصري.