الرئيس السيسي: بيانات الحكومة المصرية مؤمنة ولا يمكن عمل شلل لها

أكد الرئيس عبد الفتاح السيسي، بيانات الحكومة المصرية مؤمنة ولا يمكن عمل شلل قائلا" مفيش حد يقدر يخترق مركز البيانات المؤمنة وإحداث شلل لأعمال الحكومة"

تحيا مصر

 كما أكد اليوم الرئيس السيسي خلال كلمته فى فعاليات اليوم الثانى لجلسات مؤتمر " حكاية وطن": “احنا مش هنسيب أهالينا اللي ظروفهم صعبة وعملنا لهم 300 ألف شقة بـ 85 مليار جنيه وفرشنا الوحدات دي ".

وأضاف "السيسي": "أهد بلد فيها 100 مليون أو 105 مليون بمليار جنيه، يعني 30 مليون دولار، فيه ناس بتصرفهم في حفلة! يبقى لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول".

مؤتمر حكاية وطن

وأكمل الرئيس السيسي حول قانون الإيجار القديم: لازم يكون في قانون يزيل الخوف من عند الناس على الوحدة السكنية اللي ممكن يأجرها وإلا هتفضل الفكرة غير قابلة للنجاح.

وتابع الرئيس السيسي: هل قانون الإيجار القديم هيفضل مدى الحياة؟.. يا راجل دي الناس ماتت واللي بعدهم ماتوا.. ولسه أنت ماسك في الموضوع؟

الرئيس السيسي: ماحدش هيهاجمك كتير من بره بشكل مباشر

وأكمل الرئيس السيسي: "ماحدش هيهاجمك كتير من بره بشكل مباشر لأن ده تبعاته ضخمة جدا ومكلفة جدا مش بس عسكريا وماليا حتى من منظور القانون الدولي والنظام العالمي الموجود، الناس نازله تتظاهر وأنا بمليار جنيه أنزلهم 10 أسابيع ورا بعض زي ما نزلوهم".

وشهد اليوم الأول جلسات مهمة تركز على محاور الاقتصاد، وشارك فيها كبار الوزراء، حيث حضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتناولت هذه الجلسات سياسات وبرامج الحكومة في دعم الاقتصاد المصري.

كما شهدت جلسات أمس التركيز على قطاعات الطاقة والبنية التحتية، وشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية وتم خلال هذه الجلسات مناقشة مشروعات قومية كبيرة وجهود تطوير البنية التحتية.

فعاليات جلسات مؤتمر حكاية وطن

بينما يشهد اليوم الثاني جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.