الرئيس السيسي للمصريين:« أنا واحد منكم وأخوكم وطول ما البلد مستقرة البلد هتطلع لقدام»

قال الرئيس عبد الفتاح السيسي، أنه لا يوجد أي بلد تتقدم غير بالاستقرار والأمن وأى حد يقول إنه ممكن يعمل استقرار وتنمية بطريقة تانية غير كده يا جاهل يا أحمق.

وأضاف الرئيس السيسي، في كلمته بمؤتمر حكاية وطن: الموضوع بالنسبة ليا بقوله لكم كمصريين مين يمسكها مش مهم، أنا واحد منكم وأخوكم، طول ما البلد مستقرة البلد هتطلع لقدام، وإذا كانت مش مستقرة مش ممكن تطلع لقدام.

وتابع: "ربنا أراد إن اللى شاهد دلوقتى واللى شهد قبل كده يشوف نماذج موجودة لغاية دلوقتى قد يكونوا أغنى مننا لم يستقروا ولم يناموا وهل فى فرصة.. يارب يساعدهم، الكلام ده بقوله من أول ما توليت المسئولية، والناس بتستغرب أنت خايف من حاجة، أيوة 105 ملايين لو حصل حاجة لا قدر الله انتوا هتبقوا في حتة تانية خالص.

الرئيس السيسي: مؤتمر حكاية وطن مش هدفه أننا ندافع عن نفسنا لكنه هدفه أننا نقول للناس ايه الحكاية

وقال الرئيس عبد الفتاح السيسي: ليه ظروفنا صعبة، ظروفنا صعبة دائما بنقول من سنة 80 مش الهدف الدفاع عن نفسنا، احنا بنقرر واقع ونقول للناس إيه الحكاية، وبنقول  الحكاية علشان لازم نتخلص منها.

نائبة التنسيقية هدى عمار تزكي الرئيس السيسى لانتخابات الرئاسة..وتؤكد لـ تحيا مصر:«هنكمل المشوار بإنجازات جديدة»..فيديو

الرئيس السيسي: إيراد الدولة أقل من إنفاقها لذلك نحن بحاجة إلى زيادة مواردنا

وأضاف الرئيس السيسي: لما هي دولة من سنة 80 لغاية دلوقتي دائما عندها عجز، الدكتور محمد معيط اتكلم في حاجات كتير،  الاقتصاديين يستوعبوا الكلام ده، وأنا بقول للمواطن ببساطة دخلي دخل مصر وإيراد مصر، مش قد مصروف مصر.

الرئيس السيسي: العوز مش مشكلة.. المشكلة أنك تقبلها وتكون مش مستعد إنهائها

وتابع: ده حال الدولة وفيه جزء منه نعمله ازاي لازم زيادة الموارد  واحنا بنعمل ده، الدكتور هالة السعيد كانت بتتكلم عن الزيادة السكانية، فأنا بقولكم  مصر عملت محاولات كتيرة لتجاوز الأزمة دي من أيام الرئيس عبد الناصر والرئيس السادات والرئيس مبارك ولم ننجح حتى الآنولم نحقق المعدل المطلوب، معقبا:"كل أزمة هتعملها أو تتعمل فيك هيبقى ليها تداعيات وبقول الكلام ده لكل مصري بسيط في الشارع".