خاص| أحمد المالكي يرد على تشابه أغنية صاحبة عمري مع أغنية في حياتنا ناس لعمرو دياب

حرص الشاعر أحمد المالكي، الرد على الأقاويل التي انتشرت مؤخرا حول تشابه أغنيته صاحبة عمري لآمال ماهر، مع أغنية في حياتنا ناس للهضبة عمرو دياب.

تحيا مصر يرصد تفاصيل تصريحات أحمد المالكي

وقال أحمد المالكي في تصريحات خاصة لموقع تحيا مصر:  ممكن عشان أغنية في حياتنا ناس فيها جزء بيتكلم عن الصحاب.. لكن أنا هنا  اتكلمت بعمق أكتر في علاقة البنتين الصحاب الانتيم.. وزي ما كل الأغاني كانت بتتكلم عن الحبيب والحبيبة عادي لما يكون في أغاني بتتكلم عن الصحاب بس بتناول مختلف.

تصريحات أحمد المالكي عن أغنية أنا كويسة

وسبق وأن حرص الشاعر أحمد المالكي الرد على الأقاويل التي انتشرت الفترة الأخيرة حول كتابة أغنية أنا كويسة خصيصًا للمطربة آمال ماهر، لتعبر عن حالتها بعد فترة من الغياب عن الساحة الفنية.

وقال أحمد المالكي في تصريحات خاصة لموقع تحيا مصر: أنا كويسة مش مكتوبة مخصوص، ولا أي أغنية عندي بكتبها مخصوص.. ممكن أكتب أغنية مثلا أقول دي رجالي أو حريمي، لكن مش بكتب مخصوص.

كلمات أغنية صاحبة عمري

وتقول كلمات صاحبة عمري للمطربة آمال ماهر: عندي صاحبة في الزمن ده صعب تلقي منها
دي اللي واقفة سانده جنبي وعالسر تآمنها
لو زعلت حاسه بيا حتى قبل ما احكي
وفثواني تيجي ليا تجيب معاها ضحكي

صاحبة عمري وجنبي تملي
صافي القلب ومش بتشيلّي
اطلبها فثانيه بتنزلي
وبتعمل اللي يفرحني
المشكله قبل ما توصلّي
بتخلصها وتيجي تقولي
حتى اما أغلط بتطبلي
وما بيني وبينها بتنصحني

دي عايشه طول حياتي
تدوس عاللي مضايقني
وبدعي طول حياتي
يارب ما تفارقني

كلمات أغنية في حياتنا ناس لعمرو دياب

أما كلمات أغنية في حياتنا ناس تقول: دايما في ضهري ده صاحب عمري
ده كنز ده رزق ده طوق نجاه
بيرد غيبتي لو جابوا سيرتي ومفيش حد بيفرق معاه
بتجيلي فكرة بتطق فجأة هي المكالمة فيقولي يالا
في حياتنا ناس هما الأساس
ثابتين معانا مهما أيه يجرى
في حياتنا ناس هما الأساس
حقيقي شكرا من هنا لبكرة
أنا في الدلع دايما سايقها
بقلقها ياما نشفت ريقها
طلعت عينها الله يعينها
ده مفيش كلام يوصف حنانها
واقفة دايما جنب مني شجعتني صدقتني
سندتني ماوقعتش في يوم
فيها قوة بتبني فيا والنجاح بسببها هي
كله كوم وحبيبتي كوم