شريف منير يعتذر على سلوكه مع إحدى الصحفيات: كنت قليل الذوق

حرص الفنان شريف منير على توجيه رسالة اعتذار لإحدى الصحفيات، بعد أن تعامل معها بشكل سيء، خلال تواجده في مسجد المشير طنطاوي لتقديم واجب العزاء في وفاة والدة الفنانة دينا الشربيني.

تحيا مصر يرصد تفاصيل أحدث منشورات شريف منير عبر إنستجرام

اعتذار شريف منير 

ونشر شريف منير مقطع فيديو له عبر حسابه الشخصي على موقع تبادل الصور والفيديوهات إنستجرام، قال فيه: مساء الخير، امبارح كنت في عزا والدة دينا الشربيني في مسجد المشير، وبعدين وأنا خارج قابلت مجموعة من الشباب الصحفيين، وكانوا موجهين الموبايلات فقولت كلمة، فوأنا بقول الكلمة في أخت صحفية قالت حاجة فجأة ياما كان تعليق أو سؤال بس كان مفاجئ ورد فعلي كان سريع قولتلها هششش.

وتابع: فلاقيت هششش دي عيب أوي، فاتلبخت وقولت الم فقولتلها أنتي فاكرة نفسك صحفية ولا ايه، لقيت نفسي بغلط أكتر، فأنا متضايق من اللي حصل دا.

شريف منير: كنت قليل الذوق

واستكمل: والفيديو نزل على اليوتيوب ولما شوفته اتضايقت من نفسي، والناس علقت أن أنا قليل الذوق وأني مكنش المفروض اعمل كدا، وفعلا أنا استاهل كل الكومنتات الصح دي لأني غلطت وكان لازم اخد جزائي.

واختتم: فأنا بعتذر عن الطريقة اللي أنا اتكلمت بيها للآنسة الصحفية وشباب الصحفيين، واعتذر لجمهوري اللي زعل، أنا فعلا كنت غلطان وكنت قليل الذوق واستاهل النقد اللاذع دا.

شريف منير يدافع عن نجلته

وسبق وان خرج الفنان شريف منير عن صمته ليكشف عن رأيه في حلق ابنته الإعلامية أسما شريف منير شعرها على الهواء، بشكل كامل.

وقال شريف منير خلال فيديو نشره عبر حسابه على موقع تبادل الصور والفيديوهات القصيرة إنستجرام: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها و بحبها.