لقاء الخميسي: أبويا الرجل الأول والأخير في حياتي.. واتخانت مرة واحدة

كشفت الفنانة لقاء الخميسي عن تفاصيل علاقتها بوالدها المتوفي، وذلك خلال لقاء لها ببرنامج in deep مع الفنان تامر شلتوت.

تحيا مصر يرصد تفاصيل تصريحات لقاء الخميسي

لقاء الخميسي: أبويا الرجل الأول والأخيرة في حياتي

وقالت لقاء الخميسي: أبويا هو الرجل الأول والأخير ويجي في النص شوية رجالة، كان صحبي وصديقي ومش بخبي عنه حاجة، وبشوفه راجل مختلف، فنان ومبدع وحساس، ولما بيتعصب بتبقى الدنيا وحشة بس دا طبيعي.

وتابعت: كنت مؤهلة لخبر وفاته لأنه مات بالكانسر، والدكاترة كانوا قايلين أن دي النهاية، ومكنتش عارفة أقبل الموقف، وساعتها مكنتش ببقى عايزة أدخل أبص عليه لأني مكنتش بشوف الراجل اللي أنا أعرفه، أنا بشوف حد تاني غير قادر على فعل الأشياء اللي كان بيعملها، ودا كان بيجرحني، ووقتها كنت بزعل وأقول لربنا ليه تعمل فيه كدا.

لقاء الخميسي: اتخانت مرة واحدة

وفي الحلقة ذاتها، تحدثت لقاء الخميسي عن أفشل علاقاتها العاطفية، فقالت: أكتر علاقة فاشلة في حياتي أتعلمت منها أنه مش كل اللي أنت عايزه في شريك حياتك هتاخده، والحب مش كفاية لوحده، واتخانت مرة واحدة، كان مز ويعرف بنات كتير أوي، ومواجهتوش وسيبته، ولما بنتقابل صدفة ببقى رخمة.

وتابعت: على مدار حياتي متخانتش من أصدقاء لأني أن ببقى واخدة بالي أنا بصاحب مين، فيه ناس ضربت تحت الحزام بس مش مهمين في حياتي، وفيه ناس مهمين في حياتي ضربت تحت الحزام وزعلت أوي وأتأثرت وعانيت.

لقاء الخميسي تنعي أشرف مصيلحي 

وسبق وأن حرصت الفنانة لقاء الخميسي على توجيه رسالة مؤثرة للفنان الراحل أشرف مصيلحي والذي رحل عن عالمنا في مساء يوم الأحد بعد صراع دام طويلا مع مرض السرطان.

ونشرت لقاء الخميسي صورة لـ الراحل أشرف مصيلحي عبر حسابها الرسمي بموقع تبادل الصور والفيديوهات انستجرام، وعلقت عليه: اشرف مصيلحي الله يرحمك ويحسن اليك ويجعلك من اهل الحُب والرضا والجنة.. عشت جميل وطيب ومحترم وستبقى ذكراك في القلوب والنفوس يا صديقي . عليك واليك ولك السلام.