أحمد ثروت يشكر هاني فرحات بعد تألقهم في حفل "ليلة من الزمن الجميل" بجدة

أعرب الفنان أحمد محمد ثروت نجل الفنان الكبير محمد ثروت عن امتنانه وشكره العميق للمايسترو هاني فرحات بعد تألقهما المشترك في حفل "ليلة من الزمن الجميل" الذي أقيم في إطار موسم جدة الثقافي المتنوع.

تحيا مصر يرصد في ذلك التقرير تصريحات أحمد ثروت عن هاني فرحات

أحمد ثروت يوجه رسالة لـ هاني فرحات

وكتب ثروت عبر حسابه بموقع التواصل الاجتماعي فيسبوك: المايسترو العظيم اخويا الغالي هاني فرحات، بجد بشكرك من قلبي، في ظل ما كله قالي صعب الي انت عايز تعمله ك مريض اعصاب اني اغني لايڤ انت الوحيد الي كنت بتطمني و تشجعني مع اني كنت ميت من الخوف و بسببك المفاجأة دي طلعت لأبويا بالترتيب و الشكل الحلو دة و علي درجة عالية من السرية.

واستكمل ثروت: مهما اوصف نقاء روحك للناس و المجهود الي بتعمله في شغلك مايكفيش حقك، دومت مبدع يا اخي العزيز.

أحمد ثروت: ‎احلي لحظة في حياتي اني اشوف ابويا سعيد تاني بعد معاناته معايا

وكتب ثروت على حسابه الرسمي بموقع التواصل الاجتماعي فيسبوك: ‎وَكَانَ فَضْلُ اللَّهِ عَلَيْكَ عَظِيمًا، ‎احلي لحظة في حياتي اني اشوف ابويا سعيد تاني بعد معاناته معايا اثناء مرضي الثمانية شهور الي فاتو واللحظة دي في ناس جميلة كانوا سبب انها تتحقق وتطلع بالحلاوة دي وهما صناع الاغنية اخواتي و حبايبي طبعاً الي في دقايق لاقيت منهم كل المساعدة و الحب ان القصة دي تترتب اولهم اخواتي الغالين المنتجين طارق الجنايني و احمد الجنايني و اختي وحبيبتي صاحبة الكلمات القوية دي منه عدلي القيعي و طبعاً اخويا و الحان حبيبي الي كان كل يوم معايا بنعمل بروفات قبل سفري عشان اعرف اغني في ظروف مرضي دي العظيم ايهاب عبد الواحد، ‎بجد بشكركم من قلبي.

أحمد ثروت: بشكر تركي ال الشيخ على الفكرة اللي لمستنا كلنا

واستكمل نجل محمد ثروت: ‎وفعلاً من قلبي بشكر معالي المستشار تركي ال الشيخ علي ترتيب هذه الفكرة الجميلة الي لمستنا كلنا و اخويا الكبير المايسترو العظيم د.هاني فرحات والمنتج الأسطوري عمي الاستاذ محسن جابر و محمد جابر اخويا وكل فريق عمل شرك بنش مارك العظيم علي رأسهم عمو زكي.