ميرهان حسين: أول حاجة بتجذبني للراجل مظهره الخارجي وجواز الصالونات دمه تقيل

انتقدت الفنانة ميرهان حسين زواج الصالونات مشيرة إلى أنها لات تفضله، موضحة المعايير التي تختار بها الشخصيات التي تدخل في حياتها سواء اصدقاء او علاقات اخرى.

تحيا مصر يرصد في ذلك التقرير تصريحات ميرهان حسين

ميرهان حسين: زواج الصالونات دمه تقيل

وقالت ميرهان حسين: انا مش بحب ادخل ناس كتير ف حياتي لكن ممكن الناس اللي يقدروني او شايفيني صح اللي اقدر اكون معاهم ع طبيعتي في الحلوة والمره اللي بيحفظوا الاسرار واللي بثق فيهم مع أعتقد أن بقا صعب جدا تثق في حد وتديلوا الامان لان اي صاحب ممكن يتحول لعدو لاسباب تخصه هو  من غير متئذيه.

وعن زواج الصالونات، قالت ميرهان حسين: مابحبهوش لنفسي دمه تقيل اوي لكن نجح مع ناس كتير، المظهر الخارجي الأول بس الاهم شخصيته تعجبني.

ميرهان حسين عن سر جمالها: بشرب ماية وبلعب رياضة

وعن سر جمالها، قالت ميرهان حسين: أولا شكرا انك شايفاني جميلة وازاي بحافظ بحاول مازعلش علي قد ما اقدر وابعد عن الضغوط واهتم ببشرتي وصحتي عموما واكلي ولو قدرت أنام كتير ولو قدرت اشرب ميا والعب رياضة.

وتحدتث ميرهان حسين عن أعمالها الفنية المقبلة، فقالت: نفسي اعمل ادوار كتير ونفسي اشتغل مع كاملة ابو ذكري، ونفسي اعمل شخصية فرعونيه وشخصيات تاريخيه عموما ونفسي اعمل دور استعراضي.

ميرهان حسين عن سر عدم زواجها: مبحبش النكد

وعن عدم زواجها حتى الأن، قالت ميرهان حسين: عشان بحب الروقان ومش بحب النكد ومابحبش للزعل واحترام مساحتي الشخصية واحترم شخصيتي اللي بنيتها وهذبتها لحد ما لقيت الشخصية اللي انا عليها دلوقتي ولسه ملاقتش الراجل مايخذلنيش في حاجه من دول.

وتابعت حديثها، قائلة: ماستحملش الراجل اللي مش قد كلمته ووعوده ولا الراجل اللي ما بيشوفش أنه غلطان ولا القاسي غليظ القلب وطبعا ولا الكداب ولا الخاين ولا اللي مابيغرش ولا بتاع الستات ولا سليط اللسان ولا البخيل ولا اللذي اذا خاصم فجر ولا اللي ميقدرنيش. لا اللي مبيعرفش يضحي ولا العنيد وممكن استحمل كل دول لو دمه خفيف وبيضحكني.