ميرهان حسين: الشهرة بتمنعنا نكون على حقيقتنا ولسة ملقتش الراجل اللي مينكدش عشان اتجوزه

تحدثت الفنانة ميرهان حسين عن سلبيات الشهرة، مشيرة إلى أنها تمنعها عن الظهور بشخصيتها الحقيقة 100% وأن دائما ما تحيطها بشخصيات مزيفة هدفها الشهرة فقط.

تحيا مصر يرصد في ذلك التقرير تصريحات ميرهان حسين عبر انستجرام

ميرهان حسين: الشهرة بتمنعنا نكون على حقيقتنا وبتجلب ناس مزيفة لحياتنا 

وقالت ميرهان حسين عبر حسابها الرسمي بموقع تبادل الصور والفيديوهات انستجرام، ردا على تساؤلت الجمهور: الشهره لها سلبيات كتير منها انها بتخلي الناس تدي نفسها الحق انها تحكم عليك وتنتقدك واوقات كتير تجرحك وتظلمك لان انطباعاتهم بتيجي من دور لا يشبة حقيقتك او صورة بالنسبة ليهم شئ يديهم حق أنه يجرحك.

وتابعت: كمان بتمنعك تكون علي حقيقتك100% برا بيتك ودائرتك الصغيرة ، واكبر سلبيات الشهره بالنسبة ليا انها بتجلب ناس مزيفه علي حياتك تكون اهدافها الشهره فقط ولسه في اكتر.

ميرهان حسين عن سر عدم زواجها: مبحبش النكد

وعن عدم زواجها حتى الأن، قالت ميرهان حسين: عشان بحب الروقان ومش بحب النكد ومابحبش للزعل واحترام مساحتي الشخصية واحترم شخصيتي اللي بنيتها وهذبتها لحد ما لقيت الشخصية اللي انا عليها دلوقتي ولسه ملاقتش الراجل مايخذلنيش في حاجه من دول.

وتابعت حديثها، قائلة: ماستحملش الراجل اللي مش قد كلمته ووعوده ولا الراجل اللي ما بيشوفش أنه غلطان ولا القاسي غليظ القلب وطبعا ولا الكداب ولا الخاين ولا اللي مابيغرش ولا بتاع الستات ولا سليط اللسان ولا البخيل ولا اللذي اذا خاصم فجر ولا اللي ميقدرنيش. لا اللي مبيعرفش يضحي ولا العنيد وممكن استحمل كل دول لو دمه خفيف وبيضحكني.

ميرهان حسين عن مواصفات فتى أحلامها: يكون راجل وقد كلمته ويحسسني بالأمان

وعن أكثر الصفات التي تتمناها في زوجها، قالت: يكون راجل قد كلامه قد وعوده يحسسني بالأمان يكون حنين و طيب وبيحترمني قبل ما يحبني بجنون ويموت في دباديبي ويعشقني عشق العشقنيقه كلهم انا بقولك اهو ويكون سند ويكون صديق وبيفهمني وبيعاملني كطفلة ودمه خفيف.