مها متبولي عن ياسمين صبري: مش ممثلة

أوضحت الناقدة الفنية مها متبولي عن رأيها في بعض الفنانين المتواجدين خلال هذه الفترة.

تحيا مصر يرصد رأي مها متبولي في ياسمين صبري. 

لقاء مها متبولي في قعدة ستات

وقالت مها متبولي خلال لقائها مع برنامج “قعدة ستات” الذي تقدمه الإعلامية مروة صبري على شاشة “القاهرة اليوم”: بعض الممثلين بياخدوا كورسات تمثيل وتيجي تتفرجي  عليهم تلاقيهم كلهم شبه بعض الناس مبتاخدش بالها من ده، مافيش حتة الاحساس والموهبة، وأنا هنا بتكلم على الفنانين الموهوبين.

تصريحات مها متبولي

وتابعت: ياسمين صبري معندهاش موهبة التمثيل وست حلوة تعمل اعلانات لكن ما تمثلش، محتاجة تشتغل ع نفسها شوية.

ولفتت مها متبولي إلى أن الفنان كريم عبد العزيز، يعد الأعلى في إيرادات السينما المصرية، بفيلمه الأخير بيت الروبي، ثم يليه الفنان تامر حسني، : كريم عبد العزيز ومحمود عبد العزيز، وبيت الزوبي اعلى ايرادات في تاريخ السينما، القاعة اللي كنت قيها كانت مليانة جمهور وده دليل على نجاح الفيلم، لكن تامر حسني عنده جمهور  كبير وفي التوزيع الخارجي له جمهور كبير يبيع كويس.

واستطردت: كريم عبد العزيز رقم واحد، ويليه تامر حسني، ثم أحمد عز ومحمد هنيدي، لكن أحمد فهمي لما قال أنه الأعلى في أفلام عيد الأضحى بفيلمه مستر إكس، فبالنسبة له لو جاب 3 أو 4 مليون هو كده غطى تكلفة الفيلم بتاعه.

رأي مها متبولي في لقب صوت مصر

وكشفت مها متبولي رأيها في لقب صوت مصر الذي يتشاجر عليه جمهور الفنانة شيرين عبد الوهاب وأنغام، قائلة: شيرين أحلى صوت في العالم العربي، ولكن صوت مصر شادية، ولا صوت مصر أنغام ولا شيرين، شفت حفلة لأنغام كاتبه صوت مصر في الديكور، لا انتي متفرضيش عليا، اللقب الناس هي اللي بتقرره ومافيش حد بيفرضه علينا، وشادية هي اللي تستحق يتقالها صوت مصر لأنها أكتر واحدة غنت لمصر.

يعد برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.

من جانبه، قالت ياسمين صبري خلال لقائها مع et بالعربي: في 2015 كنت ابتديت أتشهر ساعتها شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين.

وأضافت: مش مشكلة اللي يقول يقول واللي يعمل يعمل المشكلة مش من عندي المشكلة في اللي بيعلق وبينتقد، وعلى الأقل مش بينتقد حاجة تهيني، يعني لما مبيكونش فيه حاجة تتقال هو ده اللي بيتقال.