خاص| أورتيجا: فيه مطربين مهرجانات شغلتهم إنهم يقفشوا فلوس حتى لو بالشتيمة

أوضح مطرب المهرجانات أورتيجا رأيه في مطربي المهرجانات هذه الأيام، ونصيحته لهم بعد انتشار الأغنيات التي تحتوي على كلمات سيئة وبها تطاول ملحوظ.

تحيا مصر يرصد في ذلك التقرير تصريحات اورتيجا عن مطربي المهرجانات هذه الأيام

تصريحات أورتيجا عن مطربي المهرجانات

وقال أورتيجا في تصريحات خاصة لموقع تحيا مصر: الفنان الصح هو اللي بيتارجيت المزيكا لكن في ناس هدفها التجارة فبتضطر تقول الكلام اللي بيوصل للناس بسرعة حتى لو شتيمة عشان يقفش فلوس.

وتابع حديثه: وأنا مع قرار النقابة انها تمضي ناس وتعهدات عشان الكلام ده.

واختتم موجها نصيحة لهم: أنصحهم أنهم يتكلموا في حاجات في الواقع ويترقص بس يكون كلام واقعي ودمه خفيف وفيه رسالة.

أورتيجا وعمرو مصطفى

جدير بالذكر، أنه حرص أورتيجا الرد على الملحن عمرو مصطفى، بعد أن اتهم مطربي المهرجانات بسرقة ألحانه، فقال في تصريحات تليفزيونية: احنا ناس دارسين وفاهمين صناعة المزيكا.. حد سرق منك لحن ارفع عليه قضية أو اتكلم عنه، إنما متقولش كل الناس دي نجحت سرقة، ما كلها بتسرق.. حتى أنت بتنحت.

وبسؤاله عن علاقته بمطرب المهرجانات أوكا، قال أورتيجا: علاقتي مع أوكا مستمرة وفيه، تواصل مستمر بينا، رغم عدم وجود أعمال غنائية تجمعنا منذ فترة، ولكن محدش عارف الخير فين، ممكن يجمعنا الشغل مرة تانية.

عبد الباسط حمودة: مستحيل أخلي ابني يغني مهرجانات

من ناحية أخرى، سبق وأوضح عبد الباسط حمودة موقفه من أغاني الهرجانات، فقال: مستحيل أخليه يغني مهرجانات ومصطفى كامل مانع الاسفاف ده كله، هو أبوه بيغني مهرجانات أنا بغني شعبي وكلهم خلتهم شعبي عمر كمال ودنيا سمير غانم، و بنتي مستحيل أدخلها مجال الغناء وابني لو غنى مهرجانات أضربه، الأغنية الشعبية فارضة نفسها على جميع الأغاني وعلى أي حد.

وأشاد عبد الباسط حمودة بإنجازات الفنان مصطفى كامل في نقابة المهن الموسيقية، فقال: مصطفى كامل روق ونضف النقابة وعمل حاجات كويسة وخلى اللي مش عضو بقى عضو، وأنا مبفكرش أمسك النقابة عشان مطعتلنيش عن شغلي شغلي أهم